JANUARY 15-21
YOB 36-37
Dwein 147 Ɔne Mbaeɛ | Kã Bɔ Ɔkɔhɔso Nanwo Dwirɛ (Min. 1)
1. Nzuati Paa Yeɛ Edé Di Kyɛ Nyameɛ Kɔhora Kɔma Wɔ Daa Ngõa Ɔ?
(Min. 10)
Yehowa wɔ berɛ afebɔɔ (Yob 36:26; mwbr24.01 4 ¶1)
Yehowa se nworɛ, na ole tumi koso, yeti ɔkɔhora kɔma yɛ daa ngõa (Yob 36:27, 28; mwbr24.01 4 ¶2)
Yehowa kyirekyire yɛ bɔ yɛyɛ a, ɔkɔmaa yekonya daa ngõa ɔ (Yob 36:4, 22; Yoh 17:3)
Sɛ yele gyidie kyɛ Nyameɛ kɔma yɛ daa ngõa a, ɔboka yɛ maa yɛkora yegyina ɔhaw biala bɔ yeyia ne noa.—Heb 6:19; mwbr24.01 4 ¶3.
2. Bible Nu Dwirɛ Titire
(Min. 10)
Yob 37:20—Nguro bɔ bɛ dumaa wɔ Bible nanu ne, sɛ edwirɛ bie si a, sɛɛ yeɛ né bɛmaa ebiala te yenwo dwirɛ ɔ? (mwbr24.01 5 ¶1)
Nzu yeɛ ɛhyɛle ye nzorɛ wɔ dapɛen he Bible kengalɛ nanu ɔ?
3. Bible Kengalɛ
(Min. 4) Yob 36:1-21 (th adesũa 2)
4. Kyɛbɔ Ɛne Ebie Kɔhyɛ Yebo Kɔbɔ Ngɔmmɔ Ɔ
(Min. 3) DWAASO ADANZEƐLILƐ. (lmd adesũa 3 porɛ 3)
5. Kyɛbɔ Ɛkɔyɛ Sakɔnea Ɔ
(Min. 4) AWURO-AWURO NU ASƐNGA. (lmd adesũa 2 porɛ 5)
6. Kyɛbɔ Ekohyirehyire Wɔ Gyidie Nu Ɔ
(Min. 5) Dwudwolɛ. Ijwfq-TW 57 ¶5-15—Edwirɛti: Mmerɛ Bɔ Né Nazi Awaen Ne Kũkũ Yudafoɛ Ne, Nzuati Yeɛ Bɛyɛle Yehowa Adanzefoɛ Ayayadeɛ Ɔ? (th adesũa 18)
Dwein 49
7. Sɛ Dɔkta Kã Kyɛ Ɔkɔma Wɔ Mogya A, Nzu Yeɛ Ɛkɔyɛ Ɔ, Aso Aboa Wɔnwo?
(Min. 15) Ngɔmmɔbɔ. Asafo nu panyi yeɛ ɔkɔyɛ ɔ.
Yehowa ahyehyɛdeɛ ne ayɛ nwomaa, ngrataa, ɔne vidio ahoroɛ bɔ ɔboka yɛ maa yedi Yehowa ahyɛdeɛ bɔ ɔfa mogya nwo naso ɔ. (Aso 15:28, 29) Aso ɛfa sɔ nningyein nemɔ yɛ adwuma yé?
Mogya Krataa (DPA Kaad Ɔne Identity Kaad): Sɛ Yehowa Danzeniɛ bie kɔ hɔspitel, na onguro kyɛ odé mogya a, sɔ krataa he yeɛ ɔmaa benwu ye ɔ. Sɛ abɔ asu, na ɛpena kyɛ enya DPA Kaad ne bie, anaa ɛpena Identity Kaad ne bie ma wɔ mmaamɔ a, ɛkɔhora kobisa aliemaa bɔ ɔnea nwomaa so ne. Sɛ ɛhyehyɛ kaad ne yie a, nekaa biala bɔ ɛkɔ ne, odikyɛ ɛfa wura wɔnwo. Yeti sɛ ennya hyehyɛlle wɔ deɛ, anaa ebia ahyehyɛ ye dada, nakoso odikyɛ ɛyɛ nzakrayɛɛ bie wɔ so a, yede yɛ ye ndɛ.
Nsɛm a Wɔde Ma Apemfo (S-401), Ɔne Information for Patients Requiring Surgery or Chemotherapy (S-407): Sɔ ngrataa hemɔ boka yɛ maa yekyire atẽe bɔ yɛpena kyɛ bɛfa so bɛsa yɛ anwonyerɛ ɔ. Afei koso, ɔboka yɛ maa yɛboɔboa yɛnwo yɛto berɛ kora ná mogya nwo dwirɛ adwɔso. Yeti sɛ ɛnwonzɛ, bɛkwaayɛ wɔ oprehyen, anaa anya kansa a, bɔ w’asafo nu mbanyi nemɔ amaneɛ, na bɛkɔma wɔ sɔ ngrataa nanu kõ bɔ ɔkɔboka wɔ ɔ.
Dɔktafoɛ Ne Ayarefoɛ Afĩa Ngitanwodie Boayikue (HLC): Aliemaamɔ bɔ bɛwɔ sɔ kue nanu ne, batete bɛ, yeti nikyee biala bɔ ɔfa mogya nwo ne, bɛkora bekyirekyire nu bekyire aliemaamɔ, ɔne dɔktafoɛ. Bɛboka dɔktafoɛ maa benwu atẽe bɔ bɛkɔfa so bɛkɔsa yɛ anwonyerɛ, ná bamma yɛ mogya ɔ. Dɔktafoɛ biemɔ wɔ berɛ a, gyinayɛɛ bɔ yasi kyɛ yengole mogya ne, bedé bɛto nu. Yeti odwu mmerɛ bie a, bɛboka yɛ maa yenwu sɔ dɔktafoɛ nemɔ. Mmerɛ biala bɔ ɛkɔfrɛ sɔ aliemaa nemɔ ne, sɛ ɔte ngyerɛmɔ oo, eyia oo, kɔngɔen oo, wɔsa kɔhã bɛ. Yede, mmerɛ beni yeɛ yenwo hia kyɛ ɛfrɛ bɛ ɔ? Sɛ ɛkɔ hɔspitel, ná bɛkã kyɛ bekole wɔ bɛkɔto berɛ a, odikyɛ ɛfrɛ bɛ. Afei, sɛ dɔkta kã kyɛ ɔkɔyɛ wɔ oprehyen a odikyɛ ɛfrɛ bɛ. Asa koso, sɛ ɛse kyɛ anya kansa, ná ɛkɔ hɔspitel a, odikyɛ ɛfrɛ bɛ. Sɛ dɔkta hãnne kyɛ ɔkɔma wɔ mogya po a, odikyɛ ɛfrɛ bɛ ndɛ. Edwirɛ bɔ yɛkã ye, bɛbɔ bɛnwonzɛ koso boka ye. Sɛ ehia sɔ aliemaa nemɔ mmokalɛ a, ɛkɔhora kole bɛ namba kofi asafo nu mbanyi nemɔ berɛ.
Bɔ VIDIO bɔ yeɛ ole, Sɛɛ Yeɛ Dɔktafoɛ Ne Ayarefoɛ Afĩa Ngitanwodie Boayikue Anaa HLC Ne Boka Yɛ Ɔ? Afei bisa aliemaamɔ kyɛ:
Sɛ ɛkɔ hɔspitel, anaa odikyɛ bɛyɛ wɔ oprehyen a, sɛɛ yeɛ aliemaamɔ bɔ bɛwɔ HLC kue nanu ne kɔhora kɔboka wɔ ɔ?
8. Asafo Bible Adesũa
(Min. 30) bt-TW yeti 4 ¶9-12, alaka bɔ ɔwɔ kr. 34