JANUARY 22-28

YOB 38-39

Dwein 11 Ɔne Mbaeɛ | Kã Bɔ Ɔkɔhɔso Nanwo Dwirɛ (Min. 1)

NYAMEƐ DWIRƐ NANU ASUADEƐ

1. Aso Edé Mmerɛ Dwenedwene Nningyein Bɔ Yehowa Abɔ Nanwo?

(Min. 10)

Mmerɛ bɔ Yehowa bɔle aseɛ ne yiele ne, ɔtole ye boase neane yesa noa adwuma bɔ wayɛ ne (Gye 1:10, 12; Yob 38:5, 6; mwbr24.01 5 ¶2)

Abɔfo nemɔ koso, bɛtole bɛ boase bɛneane nningyein bɔ Yehowa abɔ ne (Yob 38:7; mwbr24.01 5 ¶3)

Sɛ yɛto yɛ boase yɛdwenedwene nningyein bɔ Yehowa abɔ nanwo a, ɔmaa yɛfa yɛnwo yɛto ye so, na ɛhẽne koso kyire kyɛ yɛnye sɔ nningyein bɔ wabɔ ne. (Yob 38:32-35; mwbr24.01 5 ¶4)

Maame bie ne ɔwa brasua bɛnea akyɛen wɔ bɛ sua ne nyunu, na bɛnye agye.

2. Bible Nu Dwirɛ Titire

(Min. 10)

Yob 38:8-10—Sɛɛ yeɛ tworɔnzɛm he maa yenwu ye kyɛ nningyein bɔ Yehowa abɔ ne, wahyehyɛ Mmraa wama benu biala ɔ? (mwbr24.01 6 ¶1)

Tworɔ wɔ mmuayɛɛ ne wura wa
Nzu yeɛ ɛhyɛle ye nzorɛ wɔ dapɛen he Bible kengalɛ nanu ɔ?

Tworɔ wɔ mmuayɛɛ ne wura wa

3. Bible Kengalɛ

(Min. 4) Yob 39:1-22 (th adesũa 5)

YERE WƆNWO YƐ ASƐNGA ADWUMA NE

4. Kyɛbɔ Ɛne Ebie Kɔhyɛ Yebo Kɔbɔ Ngɔmmɔ Ɔ

(Min. 2) MMERƐ BƆ ƐNNE ASƐNGA NU Ɔ. Fa ye kyɛ ayia ebie bɔ ɛpena kyɛ ɛne ye bɔ ngɔmmɔ, nakoso ɛnea kyɛbɔ ɔyɛ yenwo ne a, ɛkora nwu kyɛ onguro kyɛ ɔne wɔ kodwudwo. Fa atẽe bie so pɛ ngɔmmɔ naso, nakoso nnɛfɛ yaa. (lmd adesũa 2 porɛ 3)

5. Kyɛbɔ Ɛkɔyɛ Sakɔnea Ɔ

(Min. 5) AWURO-AWURO NU ASƐNGA. Fa ye kyɛ mmerɛ bɔ olimoa bɔ ɛne sona ne bɔle ngɔmmɔ ne, ɔhãhyirele wɔ kyɛ yenwoniɛ bie awu. (lmd adesũa 9 porɛ 3)

6. Dwudwolɛ

(Min. 5) lmd edwirɛ bɔ ɔboka so 1 porɛ 1—Edwirɛti: Sɛ Yɛnea Nningyein Bɔ Osisi, Ɔne Kyɛbɔ Mmenia Subaen Asɛkye Ne A, Ɔmaa Yenwu Kyɛ Ɔngɔhyɛ Biala Ewiase He Kɔsɛkye. (th adesũa 16)

Y’ABRABƆ KYƐ KRISTOFOƐ

Dwein 111

7. Sɛ Yɛdwenedwene Yehowa Abɔdeɛ Nwo A, Ɔmaa Yɛmva Y’adwene Yenzie Ɔhaw Bɔ Yɛfa Nu Naso

(Min. 15) Ngɔmmɔbɔ.

Yob dwenedwene ngaka bɔ Yehowa abɔ nemɔ bie nwo, ebie yeɛ ole, nzue nu ɛsoen, asukɔngɔn, soholi, ɛlɛngyɛen, kɔleɛ, pɔngɔ, ɔne torɔen. Mvrama pirikua bie tu, na Elihu ne ye damvo nza bɔ bɛnga nahorɛ ne yeɛ bɛtete Yob nwo ne.

Satan fale ɔhaw wale Yob so, na ye nnamvo nemɔ koso dwudwo tiale ye. Ɛhe maa Yob adwene tu frale. Ɔwale sɔ ne, ɔhaw bɔ né ɔfa nu ne, ɛhẽne ala yeɛ né ɔdwene yenwo ɔ.

Kenga Yob 37:14. Afei bisa aliemaamɔ kyɛ:

Ɔhaw bɔ né Yob fa nu ne, nzu yeɛ né ɔkɔboka ye maa ɔkɔye y’adwene kofi so ɔ?

Tworɔ wɔ mmuayɛɛ ne wura wa

Sɛ yɛfa ɔhaw nu, na adwenedwene hyɛ yɛ so alaa maa yenwu bɔ yɛyɛ a, yɛkɔhora yɛkɔdwenedwene Yehowa abɔdeɛ nwo. Sɛ yɛyɛ sɔ a, ɔkɔhora kɔboka yɛ maa yɛkɔhɔ so yekoli nahorɛ yɛkɔma ye. Afei koso, ɔmaa yɛkae kyɛ Yehowa le tumi, yeti ɔkɔhora kɔnea yɛ.—Mat 6:26.

Bɔ VIDIO bɔ yeɛ ole, Bɔ Yesũa Yefi Yob Nwomaa Nanu Ɔ—Ngaka. Afei bisa aliemaamɔ kyɛ:

Sɛɛ yeɛ vidio he aboka wɔ maa gyidie bɔ ele ye wɔ Yehowa nu ne, wayɛ piri ɔ?