BUE 6

Nzueyilɛpiri Ne, Nzu Yeɛ Yesua Yefi Nu Ɔ?

Nyameɛpiri sɛkyele abɔnefoɛ ne, nakoso olelè Nowa ne y’abusua ngoa. 2 Petro 2:5, 6

Alaka ne tɛ nzue ne nye, nzue ne afa abɔnefoɛ ne, na abɔfoɛ atuatefoɛ ne ayakyi bɛ nwonaen bagua berɛ bahɔ

Nzue ne tɔle ɛlɛburuanna (40) eyia ne kɔngɔen na nzue ne katale aseɛ naso mukoraati. Abɔnefoɛ ne mukoraati wuwule.

Abɔfoɛ atuatefoɛ ne yele sona anwonaen ne guale berɛ na bɛɛyɛle adaemɔne.

Nowa ne ye abusua, ɔne ngaka nemɔ file alaka nanu befitéle na benwuni nyangondɔen wɔ ewie nu

Bɛbɔ né bɛwɔ alaka nanu ne nyane ngoa. Owonu kyɛ Nowa ne y’abusua sa wuwule, nakoso Nyameɛpiri kosa kotingye bɛ maa bɛkɔtena ase daa.

Nyameɛpiri kɔsɛkye abɔnefoɛ biekũ na wale teneneefoɛ ngoa. Mateo 24:37-39

Satan ne ye adaemone ne fa atẽe pẽe so bɛlakala mmenia.

Satan ne ye adaemɔne ne tɛ lakalaka mmenia.

Ɛnnɛ̀, mmenia pẽe kyi Yehowa akwangyerɛ bɔ ɔdɔ wɔ nu bɔ ɔfa ma sona ne, kyɛbɔ Nowa berɛsofoɛ ne yɛle nala. Ɔngɔhyɛ, Yehowa kɔsɛkye abɔnefoɛ ne mukoraati.—Luka 17:26, 27.

Yehowa Adanzefoɛ fa Bible ne bekirekyire biãa bie; biãa ne kenga Bible

Mmenia biemɔ wɔ berɛ bɔ bɛte kyɛ Nowa. Betie Nyameɛpiri na bɛyɛ bɔ ɔka kyire bɛ ne; sɔ mmenia ne yeɛ ole Yehowa Adanzefoɛ.