Nea Bɔ Sona Ne Nye Gye Yenwo Ɔ

Bɔ Yesu Yɛle Ɔ

VIDIO: Kyɛbɔ Yesu Ne Maame Bie Bɔle Ngɔmmɔ Ɔ

1. Nea VIDIO ne, anaa kenga Yohane 4:​6-9. Eyie a, susu nzɛmmisa hemɔ nwo:

1. Kora bɔ yeɛ Yesu ne maame ne bɔ ngɔmmɔ ne, nzu yeɛ ɔyɛle ɔ?

2. Yesu hãne kyɛ: “Ma me nzue ne bie ma nnõ.” Kyɛbɔ Yesu ne maame ne hyɛle yebo bɔle ngɔmmɔ ne, nzuati yeɛ ɔte kama paa ɔ?

Bɔ Yesu Yɛle Ne, Nzu Yeɛ Yesũa Yefi Nu Ɔ?

2. Sɛ yedimoa yɛkã edwirɛ bie bɔ sona ne nye gye yenwo a, ɔkɔhora kɔmaa yɛne ye kɔbɔ ngɔmmɔ.

Suesũa Bɔ Yesu Yɛle Ne

3. Ɛyɛ a sesã wɔ dwirɛ nanu. Ebia né alimoa asiesie edwirɛ bie bɔ ɛfa kɔ asɛnga ɔ. Nakoso nnɛyɛ w’adwene kyɛ kyɛbɔ ɔte biala, ɛhẽne ala yeɛ ɛkɔhã yenwo dwirɛ ɔ. Na mmom, kã edwirɛ bie bɔ sona ne nye kɔgye yenwo ɔ. Ɛkɔhora kobisa wɔnwo kyɛ:

1. ‘Nzu yeɛ ɛlɛsaen bɛkã yenwo dwirɛ wɔ TV anaa radio so ɔ?’

2. ‘Mmenia bɔ me ne bɛ te mandanu, bɛbɔ me ne bɛ yɛ adwuma, ɔne bɛbɔ me ne bɛ kɔ sukuu ne, nzu yeɛ bɛtaa bɛkã yenwo dwirɛ ɔ?’

4. Fa wɔnye to ase. Ɛkɔhora kobisa wɔnwo kyɛ:

1. ‘Nzu yeɛ sona ne yɛ ɔ? Nzu yeɛ ebia ɔdwene yenwo ɔ?’

2. ‘Sɛ menea kyɛbɔ sona ne asiesie yenwo, anaa y’awuro berɛ a, aso ɔmaa menwu asɔre bɔ ɔkɔ ɔ, ɔne ye amammerɛ anaa?’

3. ‘Ɔte pá kyɛ me ne sona ne kɔbɔ ngɔmmɔ sɔ mmerɛ ne anaa?’

5. Sɛ sona ne dwudwo a, yɛ asoɛ tie ye.

1. Ɛyɛ a nnédwudwo pẽe.

2. Sɛ ɔkɔyɛ yé a bisa ye dwirɛ, na ma ye atẽe ma ohyire y’adwene.