Nnɛmaa W’abanu Bu

Bɔ Pɔɔlo Yɛle Ɔ

VIDIO: Pɔɔlo Anyakyi Nzɛmba Ne Hãnɛ Wɔ Ɛfeso

1. Nea VIDIO ne, anaa kenga Asomafoɛ 19:​8-10. Eyie a susu nzɛmmisa hemɔ nwo:

1. Nzu yeɛ ɔmaa yenwu kyɛ Pɔɔlo amma y’abanu ammu ɔ?

2. Bɛbɔ né bɛnye gye edwirɛ nanwo ne, Pɔɔlo hɔle bɛ berɛ kõmaapɛ anaa? Na ɔyɛle sɔ afoɛ nyɛɛ?

Bɔ Pɔɔlo Yɛle Ne, Nzu Yeɛ Yesũa Yefi Nu Ɔ?

2. Sɛ yɛkɔhora yɛkɔyɛ sakɔnea ne Bible adesũa bɔ ɔte kama a, odikyɛ yenya mmerɛ, na yemia yɛnye.

Suesũa Bɔ Pɔɔlo Yɛle Ne

3. Bɔ mmɔden nwu mmerɛ bɔ ɔte pá ma sona ne. Bisa wɔnwo kyɛ: ‘Mmerɛ beni yeɛ sɛ mekɔ berɛ a, ngɔto ye ɔ? Sɛ mefrɛ ye, anaa mekɔto ye wɔ awuro a, aso okonya mmerɛ ne me kɔbɔ ngɔmmɔ?’ Bɔ mmɔden yɛ wɔ nhyehyɛɛ yé kyɛbɔ ɔkɔyɛ a, ɛkɔhora kɔto sona ne, ná ɛne ye atoa ngɔmmɔ naso ɔ.

4. Má sona ne hã mmerɛ bɔ okonya atẽe ɔ. Sɛ ɛne sona ne bɔ ngɔmmɔ yie a, bisa ye mmerɛ pɔtee bɔ okonya atẽe maa ɛmɔ kɔtoa ngɔmmɔ naso ɔ. Afei nea kyɛ mmerɛ bɔ wafa wama wɔ ne, ekoli so.

5. Nnɛmaa w’abanu bu. Sɛ ɛndaa ndo ebie wɔ awuro, anaa ɛkɔhɔ ye berɛ biala ná ollé alagyé a, nnɛkã kyɛ ɛhẽne ati yenye ngye edwirɛ nanwo. (1 Kor. 13:​4, 7) Sɛ ɔba sɔ a, nnɛmaa w’abanu bu, na mmom bɔ mmɔden kyɛ ekonwu mmerɛ bɔ ɛkɔto ye wɔ awuro ɔ. Sɛ ɛyɛ sɔ a, ɔkɔboka wɔ ná annate angua mbaen. —1 Kor. 9:26.