Má Sona Ne Nwu Kyɛ Ɛdwene Yenwo

Bɔ Yesu Yɛle Ɔ

VIDIO: Mmenia Nemɔ Nwo Yɛle Yesu Anwumvo

1. Nea VIDIO ne, anaa kenga Marko 6:​30-34. Eyie a susu nzɛmmisa hemɔ nwo:

1. Nzuati yeɛ né Yesu ne ye asomafoɛ nemɔ pena kyɛ bekowura “nekaa bie bɔ ɛberɛ te dinn ɔ”?

2. Nzuati yeɛ Yesu hãne nzɛmba ne hyirele mmenia nemɔ ɔ?

Bɔ Yesu Yɛle Ne, Nzu Yeɛ Yesũa Yefi Nu Ɔ?

2. Yɛnye gye yenwo kyɛ yɛkɔhã nzɛmba ne yekohyire mmenia, na yɛ pena kyɛ benwu kyɛ yɛ dwene bɛnwo koso.

Suesũa Bɔ Yesu Yɛle Ne

3. Sɛ sona ne dwudwo a, yɛ asoɛ tie ye. Ɛyɛ a ma ye atẽe má odwudwo. Sɛ ebia sona ne kyire y’adwene, anaa ɔkã kyɛ ɔne wɔ nyɛ adwene wɔ nikyeebie nwo a, nnɛpɛ ye noa, na nnebu wɔnye gua so. Sɛ ɛyɛ asoɛ tie ye a, okonwu kyɛ ɛdwene yenwo.

4. Dwenedwene sona nanwo. Sɛ ɛne sona ne bɔ ngɔmmɔ yie a, bisa wɔnwo kyɛ:

1. ‘Nzuati yeɛ yenwo hia kyɛ onwu nahorɛ bɔ ɔwɔ Bible nanu ɔ?’

2. ‘Sɛ osũa Bible ne a, sɛɛ yeɛ ɔkɔboka ye ɛnnɛ, ɔne kyẽabie ɔ?’

5. Nwu bɔ ɔkɔso wɔ sona ne asetena nu, na ɛmɔbɔ yenwo ngɔmmɔ. Maa onwu kyɛ sɛ osũa Bible a, okonya nzɛmmisa bɔ ɔkye ye adwene nanwo mmuayɛɛ, na ɔkɔboka ye maa ye abrabɔ kɔyɛ kama. Ɛyɛ a kã ɛhe anwo dwirɛ kyire ye ndɛ.