Abrabɔ Ne Asɛnga Adwuma—Adesua Nwomaa—2025 | July

JULY 14-20

ANYANDERA 22

Dwein 79 Ɔne Mbaeɛ | Kã Bɔ Ɔkɔhɔso Nanwo Dwirɛ (Min. 1)

NYAMEƐ DWIRƐ NANU ASUADEƐ

1. Kyɛbɔ Bɛtete Ngwalaa Nwo Afutue

(Min. 10)

Kyire wɔ mmaamɔ kyɛbɔ bekogyina ɔhaw noa ɔ (Any 22:3; mwbr25. 07 2 ¶1)

Hyɛ yebo kyirekyire bɛ wɔ bɛ ngwalaa nu (Any 22:6; mwbr25. 07 2 ¶2)

Twe bɛ so, nakoso yɛ ye wɔ ɔdɔ nu (Any 22:15; mwbr25. 07 2 ¶3)

Baba bie ne ɔwa susu edwirɛ bie anwo wɔ Bible nanu. Foto bɔ ɔla ɔwa ne tablɛt naso ne, okyire kyɛ sona fi ngaka nu.

2. Bible Nu Dwirɛ Titire

(Min. 10)

Any 22:29—Yɛkɔyɛ sɛɛ ne yafa anyandera he yayɛ adwuma wɔ asafo nanu, na mvasoɛ beni yeɛ yekonya ye ɔ? (mwbr25. 07 2 ¶4)

Tworɔ wɔ mmuayɛɛ ne wura wa
Nzu yeɛ ɛhyɛle ye nzorɛ wɔ dapɛen he Bible kengalɛ nanu ɔ?

Tworɔ wɔ mmuayɛɛ ne wura wa

3. Bible Kengalɛ

(Min. 4) Any 22:1-19 (th adesũa 10)

YERE WƆNWO YƐ ASƐNGA ADWUMA NE

4. Kyɛbɔ Ɛne Ebie Kɔhyɛ Yebo Kɔbɔ Ngɔmmɔ Ɔ

(Min. 3) AWURO-AWURO NU ASƐNGA. (lmd adesũa 5 porɛ 4)

5. Kyɛbɔ Ɛne Ebie Kɔhyɛ Yebo Kɔbɔ Ngɔmmɔ Ɔ

(Min. 4) MMERƐ BƆ ƐNNE ASƐNGA NU Ɔ. Sona ne le mmaa; kyire ye kyɛbɔ okonya edwirɛ bie bɔ ɔkɔboka ye wɔ jw.org so. (lmd adesũa 1 porɛ 4)

6. Dwudwolɛ

(Min. 5) ijwyp-TW asɛm 100—Edwirɛti: Mayɛ Asoserɛ Wɔ Awuro—Nzu Po Yeɛ Nyɛ Ɔ? (th adesũa 20)

Y’ABRABƆ KYƐ KRISTOFOƐ

Dwein 134

7. Nya Akwalaa Nanwo Aboterɛ, Nakoso Nnɛtaba Ye

(Min. 15) Ngɔmmɔbɔ.

Ɛtete akwalaa a, odikyɛ enya aboterɛ. Odikyɛ awofoɛ nya bɛ mmaamɔ nwo mmerɛ. (Deu 6:6, 7) Sɛ bɛpena kyɛ benwu bɔ ɔwɔ bɛ mmaamɔ ahone nu a, odikyɛ bɛbisabisa bɛ dwirɛ, na bɛyɛ asoɛ betie bɛ. (Any 20:5) Akwalaa de, ɛyɛ ye sɛɛ ɔte akwalaa. Yeti sɛ ɛpena kyɛ ɔyɛ nikyee bie a, ɛyɛ a bɔ ye so mmerɛ pee.

Brataen le aboterɛ a, ongyire kyɛ ɔwa yɛ ngwaseade po a, na ɔnea ye. Yehowa afa awura awofoɛ sa kyɛ behyire bɛ mmaamɔ bɔ odikyɛ bɛyɛ, ɔne bɔ ɔnzɛkyɛ bɛyɛ ɔ. Na sɛ ngwalaa ne yɛ asoserɛ koso a, bɛhwe bɛ so.—Any 6:20; 23:13.

Kenga Ɛfesofoɛ 4:31. Afei bisa aliemaamɔ kyɛ:

Nzuati yeɛ ɔnzɛkyɛ awofoɛ twe bɛ mmaamɔ so mmerɛ bɔ bafɛ yaa ɔ?

Tworɔ wɔ mmuayɛɛ ne wura wa

Kenga Galatiafoɛ 6:7. Afei bisa aliemaamɔ kyɛ:

Nzuati yeɛ odikyɛ awofoɛ maa bɛ mmaamɔ nwu ye kyɛ abrabɔ biala bɔ bɛkɔbɔ ne bekonya so akatuaa ɔ?

Tworɔ wɔ mmuayɛɛ ne wura wa

Ekonwu foto he wɔ vidio bɔ yeɛ ole, “‘Ɛmɔnya Ɛmɔnwo Aboterɛ, Na Ɛmɔdodɔ Ɛmɔnwo’—Wɔ Mmaamɔ” nanu. Max ayɛ dinn otie ɔwa brasua bɔ bɛfrɛ ye Sue ne.

Bɔ VIDIO bɔ yeɛ ole, ‘Ɛmɔnya Ɛmɔnwo Aboterɛ, Na Ɛmɔdodɔ Ɛmɔnwo’—Wɔ Mmaamɔ. Afei bisa aliemaamɔ kyɛ:

Asuadeɛ beni yeɛ enya fili vidio nanu ɔ?

Tworɔ wɔ mmuayɛɛ ne wura wa