33 Tongana Pharaon airi ala na lo hunda ala, lo tene: ‘Ala yeke sara kua ti nyen?’ 34 Ala tene: ‘E azo ti kua ti mo e yeke azo ti batango anyama ngbene ye so e yeke maseka juska fadeso, e na akotara ti e,’+ tongaso si ala lingbi ti sara kodro na sese ti Goshen,+ ndali ti so zo kue so ayeke bata ataba ayeke sioni mingi na lê ti azo ti Égypte.”+

26 Me Moïse atene: “Ti sara tongaso a yeke na lege ni pëpe, ngbanga ti so ye so e yeke mû na sandaga na Nzapa ti e alingbi ti duti sioni mingi na lê ti azo ti Égypte.+ Tongana e mû na sandaga mbeni ye so ayeke sioni mingi na lê ti azo ti Égypte, fade ala bo e na tênë ape?