10 “‘Tongana zo ni aye ti mû taba wala ngasa ti mû na sandaga so a zö ni agbi kue,+ a yeke nzoni lo ga na kete koli ni so sioni ayeke na terê ti lo pëpe.+ 11 A yeke fâ ande nyama ni na terê ti gbalaka na mbage ti nord, na gbe ti Jéhovah; aprêtre, amolenge ti Aaron, ayeke fi mênë ni na terê ti gbalaka ni kue.+

3 “‘Tongana prêtre, lo so a tuku mafuta na li ti lo,+ asara siokpari+ si tënë aga na li ti mara ni, lo yeke mû ande kete koli-bagara so sioni ayeke na terê ti lo pëpe na sandaga na Jéhovah tongana sandaga ndali ti siokpari.+ 4 Lo yeke ga na koli-bagara ni na yanga ti tente ti bungbi+ na gbe ti Jéhovah, lo yeke zia maboko ti lo na ndö ti li ti bagara ni na lo fâ lo na gbe ti Jéhovah.+