15 Prêtre ni ayeke mû ande mafuta ni,+ lo tuku mbeni na yâ ti maboko ti lo wani, na mbage ti wali. 16 Lo yeke yôro mbeni li ti maboko ti lo ti koli na yâ ti mafuta ni so ayeke na yâ ti maboko ti lo ti wali, na lo fi ni fani mbasambala na gbele Jéhovah. 17 Lo mû mbeni mafuta so angbâ na yâ ti maboko ti lo, lo zia ni na mê ti zo ni ti mbage ti koli, na ndö ti kota li ti maboko ti lo ti koli nga na ndö ti kota li ti gere ti lo ti koli; lo zia ni na ndö ti mênë ti sandaga ti zingo tënë na li ti zo. 18 Tanga ti mafuta ni so angbâ na yâ ti maboko ti prêtre ni, lo tuku ni na li ti zo so aye ti ga nzoni na peko ti kobela ti lo so, na prêtre ni ayeke sara si a zi siokpari ti lo na gbele Jéhovah.+