27 Mo mû kate ti koli-taba ti sandaga so a yengi ni nga gere ni so a zia ni nde ndali ti aprêtre so a yengi ni na so a mû ndali ti Aaron na amolenge ti lo ti zia ala na mbata ti kua,+ mo zia ni nde ndali ti mbi. 28 A yeke ga ti Aaron na amolenge ti lo. So ayeke mbeni ndia so ayeke ngbâ aninga, na azo ti Israël ayeke sara ye alingbi na ni ngbanga ti so mbage ni so a zia ni nde. A yeke ga mbeni mbage so a zia ni nde, so azo ti Israël ayeke ga na ni.+ So ayeke mbage so a zia ni nde si ala yeke mû ni ndali ti Jéhovah la; ala yeke zi ni na ndö ti asandaga ti ala ti beoko.+

8 Jéhovah atene na Aaron: “Bâ, mbi mû na mo kua ti batango amatabisi so a mû na mbi.+ Amatabisi kue so a zia ni nde ndali ti mbi so azo ti Israël aga na ni na mbi, mbi mû mbeni mbage ni na mo nga na amolenge ti mo tongana ye ti ala lakue lakue.+

3 “Bâ aye so aprêtre ayeke na droit ti wara ni lakue na maboko ti azo ni la: Zo so amû nyama na sandaga, atâa a yeke bagara wala taba, a lingbi lo mû maboko ni, ngbangba ni nga na yâ ni na prêtre.

29 Ala la ayeke te asandaga ti lê ti kobe,+ asandaga ndali ti siokpari nga na asandaga ti zingo tënë na li ti zo.+ Nga aye kue na Israël so a mû na Nzapa ayeke ti ala.+

13 Ala hinga pëpe so akoli so ayeke sara kusala ti Nzapa ayeke te aye ti temple? Nga ala hinga pëpe so azo so ayeke sara kua lakue na gbele gbalaka ayeke wara ti ala mbeni mbage ti ye ti gbalaka ni?+