41 A yeke wara nga na terê ti ala Héman, Jéduthun+ nga na tanga ti azo so a di iri ti ala ti tene ala gonda Jéhovah,+ ndali ti so “tâ ndoye ti lo angbâ lakue lakue.”+ 42 Héman+ na Jéduthun ayeke hûru atrompette, ala yeke pika acymbale nga na ambeni ye ti mozoko so a mû ni ti sepela* na tâ Nzapa. Amolenge ti Jéduthun+ ti koli ayeke ti ala na yanga ti gbagba.

3 Na popo ti amolenge ti Jéduthun,+ a yeke wara azo omene: Guédaliah, Zéri, Jéshaïah, Shiméï, Hashabiah na Mattithiah.+ Babâ ti ala Jéduthun la ayeke na ndö ti ala, na ala yeke tene aprophétie na ngoi so ala yeke pika harpe ti kiri singila na Jéhovah nga ti sepela lo.+