8 Jéhovah atene na Aaron: “Bâ, mbi mû na mo kua ti batango amatabisi so a mû na mbi.+ Amatabisi kue so a zia ni nde ndali ti mbi so azo ti Israël aga na ni na mbi, mbi mû mbeni mbage ni na mo nga na amolenge ti mo tongana ye ti ala lakue lakue.+

11 Ye so nga kue ayeke ga ti mo: amatabisi so a mû+ legeoko na sandaga so azo ti Israël aga na ni si a yengi ni na gbele mbi.+ Mbi mû ni na mo nga na amolenge ti mo ti koli na ti wali tongana ye ti ala lakue lakue.+ Zo kue so sioni ye ayeke na terê ti lo pëpe si lo yeke ti sewa ti mo, lo lingbi ti te ni senge.+

13 Ala hinga pëpe so akoli so ayeke sara kusala ti Nzapa ayeke te aye ti temple? Nga ala hinga pëpe so azo so ayeke sara kua lakue na gbele gbalaka ayeke wara ti ala mbeni mbage ti ye ti gbalaka ni?+