18 Me ti gbia ti Juda so atokua ala na mbi ti tene mbi hunda Jéhovah so, ala tene na lo, atene: “Âdu ti tënë so mo mä so, Jéhovah Nzapa ti Israël atene: 19 ‘Na ngoi so mo mä tënë so mbi Jéhovah mbi tene na terê ti ndo so nga na azo ni, so mbi tene ala yeke ga mbeni ye ti mungo kota mbeto na zo nga ye so a deba ni awe, tënë ni andu bê ti mo,* mo sara terê ti mo kete+ na gbele mbi, mo suru bongo na terê ti mo+ nga mo toto na gbele mbi. Tongaso mbi Jéhovah nga kue, mbi mä mo awe.

13 Lo ngbâ ti sambela na Nzapa, nga vorongo yanga so lo voro na Nzapa apika bê ti Nzapa, na Nzapa amä dema ti lo ti sara nzoni bê na lo, lo kiri na Manassé na Jérusalem na ndö ti mbata ti lo ti gbia.+ Manassé aga ti hinga so Jéhovah ayeke tâ Nzapa.+

Tongana lo toto na lo ti hunda mungo maboko, lo mä lo.+

22 Me babâ ni atene na angbâa ti lo: ‘Ala kpe hio, ala ga na mbeni yongoro bongo, so ayeke pendere ahon atanga ni kue, ala yü na lo, ala zia bague na maboko ti lo nga poro na gere ti lo. 23 Ala ga na kete bagara ti mafuta so, ala fâ ni na zia e te na e sara matanga, 24 ngbanga ti so molenge ti mbi ti koli so akui lani, me lo kiri na fini awe.+ Lo girisa lani, me a wara lo awe.’ Ala to nda ti sara ngia.

13 Me zo ti rongo nginza ti impôt ni aluti ti lo yongoro na lo ye même pëpe ti yô lê ti lo na nduzu, me lo yeke pika ndö ti kate ti lo, lo tene: ‘Nzapa, sara grâce* na mbi so mbi yeke wasiokpari.’+ 14 Mbi tene na ala: Zo ti rongo nginza ti impôt so akiri na yanga-da ti lo, na a bâ so lo yeke mbilimbili ahon Farizien so;+ ndali ti so zo kue so ayâa iri ti lo, a yeke sara ande si lo ga kete, me zo so asara terê ti lo kete, a yeke yâa ande iri ti lo.”+