• Exode 15:9, 10
    Mbeti ti Nzapa ti fini dunia

    •  9 Wato ni atene: ‘Mbi yeke tomba peko ti ala! Mbi yeke wara ala!

      Mbi yeke kangbi yâ ti akungba ti ala so mbi gbu na bira juska alingbi na nzara ti mbi!*

      Mbi yeke gboto épée ti mbi! Mbi yeke hon ala na ngangu!’+

      10 Mo hûru pupu ti hôn ti mo, ngu-ingo amene ala.+

      Ala lï ngu tongana plomb na yâ ti angu so ayeke sua.

  • 1 Samuel 2:3
    Mbeti ti Nzapa ti fini dunia

    •  3 Ngbâ ti sara tënë na baba pëpe,

      zia mbeni tënë ti fandara asigi na yanga ti mo pëpe,

      ndali ti so Jéhovah ayeke Nzapa so ahinga ye,+

      na lo la lo yeke bâ tâ na lege ni yâ ti sarango ye ti zo.

  • Ézéchiel 28:2
    Mbeti ti Nzapa ti fini dunia

    • 2 “Molenge ti zo, mo tene na mokonzi ti Tyr, mo tene: ‘Bâ tënë so Jéhovah, Seigneur ti dunia kue, atene la:

      “So baba alï bê ti mo,+ si mo yeke tene: ‘Mbi yeke mbeni nzapa.

      Mbi duti na ndö ti trône ti nzapa na bê ti ngu-ingo.’+

      Andâ mo yeke gï senge zo, mo yeke nzapa pëpe,

      atâa so na yâ ti bê ti mo, mo pensé so mo yeke nzapa.