-
Psaume 53:kete tënë-6Mbeti ti Nzapa ti fini dunia
-
-
Na mokonzi ti azo ti pikango mozoko, ti tene a pika ni alingbi na Mahalath.* Maskil.* Psaume ti David.
53 Zo ti buba* atene na bê ti lo, atene:
“Jéhovah ayeke dä pëpe.”+
Asarango ye ti ala so ayeke mbilimbili pëpe abuba awe nga ayeke sioni mingi;
zo oko ti sara nzoni ye ayeke dä pëpe.+
2 Me Nzapa angbâ na yayu kâ lo bâ amolenge ti azo+
ti bâ wala mbeni zo ahinga ti bâ yâ ti aye nzoni, wala mbeni zo ayeke gi Jéhovah.+
3 Ala kue amû mbeni lege nde,
sarango ye ti ala kue aga sioni awe;
zo oko ti sara nzoni ye ayeke dä pëpe,
même zo oko tongaso ayeke dä pëpe.+
4 Mbeni zo na popo ti azo ti sioni so ahinga ndo ayeke dä ape?
Ala hunzi azo ti mbi tongana ti so ala te mapa ahunzi.
Ala iri ndo na Jéhovah pëpe.+
5 Me mbeto ayeke gbu ala ngangu,
mara ti mbeto so ade ti gbu ala pëpe;*
ndali ti so azo so atiri na mo,* Nzapa ayeke kangbi yâ ti abio ti ala kirikiri.
Mo yeke zia kamene na lê ti ala, ndali ti so Jéhovah ake ala awe.
6 Zia si salut ti Israël alondo na mbage ti Sion aga!+
Na ngoi so Jéhovah akiri abungbi azo ti lo so a gue na ala na ngbâa,
zia si Jacob aduti na ngia, nga zia si Israël asara ngia.
-
-
aRomain 3:10-12Mbeti ti Nzapa ti fini dunia
-
-
10 Gï tongana ti so Mbeti ti Nzapa atene: “Mbeni zo ti mbilimbili ayeke dä pëpe, même oko tongaso ayeke dä pëpe.+ 11 Mbeni zo ti mä yâ ti ye nzoni ayeke dä pëpe, mbeni zo ti gi Nzapa ayeke dä pëpe. 12 Azo kue amû mbeni lege nde, ala kue aga senge ye. Mbeni zo ti sara nzoni ye na mba ti lo ayeke dä pëpe, même oko tongaso ayeke dä pëpe.”+
-