18 Mbi ke ye kue so mbi sara kua ngangu ndali ni na gbe ti lâ,+ ngbanga ti so mbi doit ti zia ni na zo so ayeke ga na peko ti mbi.+ 19 Zo wa la ahinga wala lo yeke duti ande zo ti ndara wala zo ti buba?+ Ye oko, lo yeke komande na ndö ti aye kue so mbi fâ terê ti mbi nga mbi mû ndara ti mbi ti wara ni na gbe ti lâ. So kue ayeke senge senge.

8 Mbeni zo ayeke dä so lo yeke gï lo oko, lo yeke na kamarade pëpe; lo yeke na molenge wala ita pëpe, me lo yeke wu terê ti lo pëpe na yâ ti angangu kua kue so lo sara. Mosoro alingbi lo pëpe.+ Me lo doit fade ti hunda terê ti lo, lo tene: ‘Ndali ti zo wa la mbi yeke sara kua ngangu na mbi yeke gbanzi terê ti mbi* na anzoni ye so?’+ So kue ayeke senge senge nga mbeni kua so amû vundu na zo.+

19 Na pekoni, mbi yeke tene na mbi* wani: “Mo* yeke na gbâ ti anzoni ye so mo bata ndali ti angu mingi. Tongaso mo wu terê ti mo, mo te, mo nyon na mo sara ngia.”’ 20 Me Nzapa atene na lo: ‘Mo so li ti mo ayeke dä pëpe so, a yeke mû fini* ti mo na bï so. Tongaso zo wa la ayeke wara aye so mo bata na yâ ti agogoro so?’+