23 Mbeni mara wa la na ndö ti sese ayeke tongana azo ti mo, Israël?+ Nzapa, mo gue mo zi azo ti Israël, na mo sara si ala ga azo ti mo.+ Akpengba ye so mo sara ndali ti ala+ na so amû mbeto mingi na zo asara si iri ti mo aga kota.+ Mo tomba azo ti ambeni mara nde nga na anzapa ti ala ndali ti azo ti mo so mo zi ala na Égypte.

10 Tongaso, mo sara aye so asara si bê ti zo adö nga na aye ti kpene na terê ti Pharaon na azo ti kua ti lo kue nga na terê ti azo ti kodro ti lo kue,+ ndali ti so mo hinga so ala sara ye lani na baba+ na mbage ti akotara ti e. Mo sara si iri ti mo awu na angbâ juska laso.+