18 Na ngu ota ni ti komandema ti Osée+ molenge ti Élah, so ayeke lani gbia ti Israël, Ézéchias,+ molenge ti Achaz+ so ayeke lani gbia ti Juda, aga gbia.

4 Lo la lo zi ando so ayeke na nduzu,+ nga lo kungbi yâ ti ayanda ti tênë na ayongoro yanda.*+ Lo neka yâ ti ngbo ti cuivre so Moïse asara ni ândö,+ ndali ti so juska na ngoi ni so, azo ti Israël ayeke zö asandaga na ngbo ni nga a iri ni yanda ti ngbo ti cuivre.*

31 Gï so ala hunzi ti sara Matanga ni, azo ti Israël kue so aga ague na yâ ti agbata ti Juda, ala kungbi yâ ti ayanda ti tênë,+ ala dë na sese ayongoro yanda,*+ nga ala kungbi na sese ando so ayeke na nduzu+ nga na agbalaka+ so a sara ni ndali ti ambeni nzapa nde. Ala sara tongaso na sese ti Juda, ti Benjamin, ti Éphraïm nga na ti Manassé,+ juska ala futi aye so kue. Na pekoni, azo ti Israël kue akiri na yâ ti agbata ti ala, zo oko oko akiri na ndo ti lo.