• 2 aGbia 25:6, 7
    Mbeti ti Nzapa ti fini dunia

    • 6 Ala gbu gbia ni+ ala gue na lo na ndo ti gbia ti Babylone na kodro ti Riblah. Kâ, ala fâ ngbanga na li ti lo. 7 Ala fâ amolenge ti Sédécias na lê ti lo. Na pekoni, Nébucadnezzar akôro lê ti Sédécias, lo kanga lo na achaîne ti cuivre na lo gue na lo na Babylone.+

  • Jérémie 38:17, 18
    Mbeti ti Nzapa ti fini dunia

    • 17 Tongaso, Jérémie atene na Sédécias: “Bâ tënë so Jéhovah, Nzapa ti aturugu, Nzapa ti Israël, atene la: ‘Tongana mo zia terê ti mo na maboko ti amokonzi ti gbia ti Babylone, mo yeke ngbâ ande na fini* nga a yeke gbi gbata so pëpe, mo na azo ti da ti mo ayeke ngbâ na fini.+ 18 Me tongana mo ke ti zia terê ti mo na maboko ti amokonzi ti gbia ti Babylone, mbi yeke zia gbata so na maboko ti azo ti Chaldée, ala yeke gbi ni na wâ+ na mo yeke kpe ande na yâ ti maboko ti ala pëpe.’”+

  • Jérémie 39:5
    Mbeti ti Nzapa ti fini dunia

    • 5 Me aturugu ti Chaldée atomba peko ti ala, na ala wara Sédécias na kpangbala ndo ti désert ti Jéricho.+ Ala gbu lo ala ga na lo na Nébucadnezzar,* gbia ti Babylone, so ayeke na Riblah+ na sese ti Hamath,+ na Nébucadnezzar afâ ngbanga na ndö ti lo kâ.