• Ésaïe 21:2
    Mbeti ti Nzapa ti fini dunia

    •  2 Na yâ ti vision, a fa na mbi mbeni ye so amû mbeto mingi:

      Zo ti handa ayeke sara ye na lege ti handa,

      na zo ti futingo ye ayeke futi ye.

      Kodro ti Élam, gue! Kodro ti Médie,+ gue mo tiri!

      Mbi yeke sara si apasi kue so lo ga na ni na ndö ti azo ahunzi.+

  • Jérémie 51:11
    Mbeti ti Nzapa ti fini dunia

    • 11 “Ala leke yanga ti alê ti kokora ti ala;+ ala mû avala so ayeke ronde ronde.*

      Jéhovah azia na bê ti agbia ti Médie+ nzara ti sara mbeni ye,

      ngbanga ti so lo leke na bê ti lo awe ti futi Babylone.

      Jéhovah ayeke kiri na lo peko ti sioni so lo sara lani, lo sara ye so na lo ndali ti temple ti Nzapa.

  • Jérémie 51:27, 28
    Mbeti ti Nzapa ti fini dunia

    • 27 “Ala lu mbeni keke ti fa lege so ague na kodro ni.+

      Ala hûru didi na popo ti amara nde.

      Ala soro* amara ti sara bira na lo.

      Ala iri aroyaume ti Ararat,+ ti Minni nga na ti Askénaz+ ti ga ti sara bira na gbata ni.

      Ala tokua a iri mbeni turugu ti kota kamba ti ga ti mû aturugu na kua ti sara bira na lo.

      Ala sara si wungo ti ambarata ti ala aga mingi tongana agbadora so ade ti kpengba pëpe.

      28 Ala soro* amara ti sara bira na Babylone,

      agbia ti Médie,+ agouverneur ni nga na akete gouverneur ni,

      na akodro kue so ala komande na ndö ni.

  • Jérémie 51:48
    Mbeti ti Nzapa ti fini dunia

    • 48 Yayu na sese nga na aye kue so ayeke na yâ ni

      ayeke dekongo na ngia na ndö ti Babylone,+

      ndali ti so azo ti futingo ye ayeke londo ande na mbage ti nord ti ga na terê ti lo,”+ tënë ti yanga ti Jéhovah la.