• Ésaïe 40:22
    Mbeti ti Nzapa ti fini dunia

    • 22 Nzapa ayeke na nduzu na ndö ti sese so ayeke ronde ronde;*+

      na lê ti lo, azo ti sese ayeke kete tongana angadi.

      Lo gboto yâ ti yayu tongana ti so zo ayeke gboto yâ ti bongo so ane pëpe,

      nga lo gbara yâ ni tongana ti so zo ayeke gbara yâ ti tente ti duti na yâ ni.+

  • Jérémie 10:12-16
    Mbeti ti Nzapa ti fini dunia

    • 12 Me Nzapa la ayeke Zo so aleke sese ni na lege ti ngangu ti lo,

      lo sara si sese aluti ngangu na lege ti ndara ti lo,+

      lo gbara yayu na lege ti hingango ndo ti lo.+

      13 Na ngoi so lo sara tënë, go ti lo asara si

      angu so ayeke na yayu adekongo,+

      lo sara si ambinda* alondo na nda ti sese kue amonté.+

      Lo sara wâ ti bekpa ndali ti* ngu-nzapa,

      lo sigi na pupu na yâ ti agogoro ti lo.+

      14 Azo oko oko kue asara ye tongana azo so li ti ala ayeke dä pëpe nga so ayeke na hingango ndo pëpe.

      Azo kue so ayeke azo ti lekengo aye na lor wala na argent, kamene ayeke gbu ande lê ti ala ndali ti ayanda so ala leke ni;+

      ngbanga ti so astatue* ti wen so ayeke ye ti mvene,

      yingo* ayeke na yâ ti astatue ni so pëpe.+

      15 Ala yeke senge senge ye, mbeni ye ti hengo ni.+

      Na ngoi so Nzapa ayeke ga na terê ti ala, ala yeke duti dä mbeni pëpe.

      16 Me Nzapa ti Jacob ayeke tongana aye so pëpe,

      ngbanga ti so lo la lo leke aye kue,

      Israël ayeke keke ti héritage ti lo.+

      Iri ti lo ayeke Jéhovah ti aturugu.+