12 Mbi sara oko tënë so nga na Sédécias+ gbia ti Juda, mbi tene: “Mo na azo ti kodro ti mo, ala zia go ti ala na gbe ti joug ti gbia ti Babylone, ala sara kua na lo nga na azo ti kodro ti lo, na ala yeke ngbâ na fini.+ 13 Ngbanga ti nyen la mo na azo ti kodro ti mo aye ti kui na lege ti épée,+ na lege ti kota nzara+ nga na lege ti sioni kobela so amû ndo?+ Tongana ti so Jéhovah atene, a yeke ye so ayeke si ande na mara so ayeke ke ti sara kua na gbia ti Babylone la.

2 “Bâ tënë so Jéhovah atene la: ‘Ala so angbâ na yâ ti gbata so, ala yeke kui ande na lege ti épée, na lege ti kota nzara nga na lege ti sioni kobela so amû ndo.+ Me zo so azia terê ti lo na maboko ti azo ti Chaldée, lo yeke ngbâ na fini, fini* ti lo ayeke ngbâ na lo tongana ye so zo agbu na peko ti bira, na lo yeke sö fini* ti lo.’+

17 Tongaso, Jérémie atene na Sédécias: “Bâ tënë so Jéhovah, Nzapa ti aturugu, Nzapa ti Israël, atene la: ‘Tongana mo zia terê ti mo na maboko ti amokonzi ti gbia ti Babylone, mo yeke ngbâ ande na fini* nga a yeke gbi gbata so pëpe, mo na azo ti da ti mo ayeke ngbâ na fini.+