9 mbi yeke tokua ti iri amara kue so ayeke na mbage ti nord ti ga,”+ tënë ti yanga ti Jéhovah la, “mbi yeke tokua ti iri Nébucadnezzar* gbia ti Babylone, so ayeke wakua ti mbi.+ Mbi yeke ga na ala kue na ndö ti kodro so,+ mbi yeke ga na ala na terê ti azo ti kodro ni nga na terê ti azo ti amara kue so angoro ala.+ Mbi yeke futi ala biani biani na mbi yeke sara si ala ga mbeni ye so amû mbeto na zo, mbeni ye so azo ayeke hûru yanga ti ala ndali ni nga mbeni ndo so abuba biani biani awe.

14 Bâ tënë so Jéhovah ti aturugu, Nzapa ti Israël, atene la: “Mbi yeke zia mbeni joug ti wen na ndö ti go ti amara so kue, si ala sara kua na Nébucadnezzar, gbia ti Babylone, ala doit ti sara kua na lo.+ Même anyama ti ngonda, mbi yeke mû ande na lo.”’”+

10 Na pekoni, mo tene na ala: ‘Bâ tënë so Jéhovah ti aturugu, Nzapa ti Israël, atene la: “Bâ, mbi yeke tokua ti iri Nébucadnezzar,* gbia ti Babylone, wakua ti mbi,+ mbi yeke zia ande trône ti lo tâ gï na ndö ti atênë so mbi honde ni so, na lo yeke gbara ande tente ti lo ti gbia na ndö ni.+

37 Mo gbia, mo yeke gbia ti agbia so Nzapa ti yayu amû na mo mbeni royaume,+ komandema, ngangu nga na gloire. 38 Lo zia na maboko ti mo azo, atâa kodro ti ala ayeke na ndo wa; lo zia nga na maboko ti mo anyama ti ngonda na andeke so ayeke huru na nduzu, na lo zia mo ti komande na ndö ti ala kue.+ Mo la mo yeke li ti statue ni so ayeke na lor so.+