12 Jéhoïakin, gbia ti Juda, asigi ague na mbage ti gbia ti Babylone,+ lo, mama ti lo, awakua ti lo, amokonzi ti lo nga na akota zo ti yangbo ti lo.+ Na yâ ti ngu miombe ni ti komandema ti gbia ti Babylone, lo gbu Jéhoïakin na ngbâa.+

14 Lo gbu azo ti Jérusalem kue lo gue na ala na Babylone: amokonzi+ kue, angangu turugu kue, azo so ahinga ti sara akua ti maboko nga na azo ti kua ti ndao.*+ Wungo ti ala kue ayeke 10 000. Lo zia zo oko pëpe, gï awayere la angbâ.+

24 Na pekoni, Jéhovah afa na mbi asakpa use so alê ti figue ayeke na yâ ni na so a zia ni na devant ti temple ti Jéhovah. Lo fa ni na mbi na peko ti so Nébucadnezzar* gbia ti Babylone agbu Jéconias*+ molenge ti Jéhoïakim,+ gbia ti Juda, ague na lo na ngbâa, lo na amokonzi ti kodro ti Juda, azo so ahinga ti sara kua ti maboko nzoni nga na azo ti kua ti ndao;* Nébucadnezzar amû ala na Jérusalem la lo gue na ala na ngbâa na Babylone.+