• Psaume 22:16-18
    Mbeti ti Nzapa ti fini dunia

    • 16 Ambo angoro mbi kue;+

      ala ga na ndö ti mbi tongana gbâ ti azo ti sioni,+

      ala te maboko ti mbi na gere ti mbi+ tongana bamara.

      17 Mbi lingbi ti diko abio ti mbi kue.+

      Awato ti mbi abâ mbi, lê ti ala ayeke gï na terê ti mbi.

      18 Ala kangbi yâ ti bongo ti mbi na popo ti ala,

      na ala bi mbeni ye ti mû lege na ala ti bâ wala bongo ti mbi ayeke ga ti zo wa.+

  • Ésaïe 53:1-12
    Mbeti ti Nzapa ti fini dunia

    • 53 Zo wa la amä na bê na tënë so lo mä na yanga ti e?*+

      Âdu ti maboko ti Jéhovah,+ a fa ni na zo wa?+

       2 Wakua ni ayeke sigi tongana kete keke+ na gbele lo,* tongana gunda ti keke so asigi na ndo so ahule ngangu.

      Lo kpa ti tene a ne lo pëpe, nga lo yeke pendere pëpe.+

      Tongana e bâ lo, lê ti lo agboto e na mbage ti lo pëpe.*

       3 Azo azere lo nga ala kpe yongoro na lo.+

      A dü lo ti tene lo mä* songo ti ye, nga lo hinga ye so a iri ni kobela.

      A yeke mo bâ mo tene a honde lê ti lo na e.*

      Azo azere lo, nga a bâ lo tongana senge ye.+

       4 Ti tâ tënë ni, lo wani lo yô akobela ti e,+

      nga songo yâ ti terê ti e kue akiri na ndö ti lo.+

      Me e bâ lo tongana zo so Nzapa asara ye ti ngangu na lo, apika lo nga asara lo pasi mingi.

       5 Me a kpo lo na kä+ ndali ti kengo ndia ti e;+

      a sara si lo bâ pasi ndali ti afaute ti e.+

      A punir lo ti tene e wara siriri,+

      nga akä so lo wara asara si e wara sava.+

       6 E kue e fono kirikiri tongana ataba,+

      zo oko oko amû lege ti lo wani,

      na Jéhovah asara si faute ti e kue akiri na ndö ti lo.+

       7 A sara ye ti ngangu na lo,+ nga lo zia si azo asara pasi na lo,+

      me lo zi yanga ti lo pëpe.

      Lo yeke tongana mbeni taba so a yeke gue na lo ti fâ lo,+

      nga tongana mbeni wali-taba so aduti kpô na gbele azo ti fango kuä ti terê ti lo;

      lo zi yanga ti lo pëpe.+

       8 A sara ye ti ngangu* na lo, nga a gbu lo a hon na lo sân ti fâ ngbanga ti lo na lege ni.

      Zo wa la ayeke gi ande ti hinga anzene nzene tënë na ndö ti akotara ti lo?*

      A zi lo na popo ti azo so ayeke na fini;+

      a pika lo* ndali ti kengo ndia ti azo ti mbi.+

       9 Na ngoi so lo kui, a lu lo* na popo ti azo ti sioni+

      nga na azo ti mosoro,*+

      atâa so lo sara ye ti sioni pëpe*

      nga tënë ti handango zo asigi na yanga ti lo pëpe.+

      10 Me Jéhovah aye* ti tene a sara pasi na lo, nga lo zia si lo mä songo ti ye.

      Tongana mo mû fini* ti lo tongana sandaga ti zingo tënë na li ti zo,+

      lo yeke bâ amolenge* ti lo, lo yeke sara si alango ti fini ti lo akiri awu,+

      nga, na lege ti lo, ye so amû ngia na Jéhovah* ti sara ayeke si biani.+

      11 Pasi so lo bâ* ayeke sara si lo bâ nzoni dä, nga terê ti lo ayeke nzere.

      Na lege ti ye so wakua ti mbi+ so ayeke zo ti mbilimbili ahinga,

      lo yeke sara si azo mingi aga azo ti mbilimbili,+

      na lo yeke yô afaute ti ala.+

      12 Ndani la mbi yeke mû na lo ye na popo ti gbâ ti azo;

      lo na azo so ayeke na ngangu ayeke kangbi yâ ti aye so a gbu na ngoi ti bira,

      ndali ti so lo mû fini* ti lo na kuâ+

      nga a diko lo na popo ti azo ti kengo ndia.+

      Lo yô siokpari ti azo mingi+

      nga lo voro yanga ndali ti azo ti kengo ndia.+

  • Daniel 9:26
    Mbeti ti Nzapa ti fini dunia

    • 26 “Na peko ti ayenga 62 ni, a yeke zi* Messie ni,+ nga mbeni ye ti lo ayeke ngbâ pëpe.+

      “Azo ti mbeni mokonzi so ayeke ga ayeke futi ande gbata ni nga na ndo so ayeke nzoni-kue.+ A yeke futi ande ni na lege ti ngu so asuku amû ndo. Juska ti si na nda ni, bira ayeke duti dä. A mû desizion awe ti tene a futi ndo.+