Psaume
Bia ti Asaph.+
50 Jéhovah,* Nzapa ti anzapa,+ asara tënë;
lo iri sese ti ga,
a komanse na ndo so lâ asigi dä juska na ndo so lâ alinda dä.*
2 Na Sion, so ayeke tâ pendere mingi,+ Nzapa asigi tongana lâ lo su.
3 Nzapa ti e ayeke ga, lo lingbi ti duti kpô pëpe.+
5 “Ala bungbi azo ti mbi so ayeke be-ta-zo ala ga na ala na mbi,
azo so ate mbele na mbi na lege ti mbeni sandaga.”+
6 Yayu afa tënë ti mbilimbili ti lo,
teti Nzapa wani ayeke Juge.+ (Sélah)
7 “Ala mä mbi si, ala azo ti mbi, mbi yeke sara tënë;
Israël, mä mbi, mbi yeke fa na mo sioni ti mo.+
Mbi yeke Nzapa, Nzapa ti mo.+
8 Mbi suku na mo pëpe ndali ti asandaga so mo mû
wala ndali ti asandaga ti mo so a zö ni agbi kue, so ayeke na gbele mbi lakue.+
9 Mbi yeke na bezoin pëpe ti mû mbeni koli-bagara ti da ti mo
wala angasa* so ayeke na yâ ti gbagba so mo leke ndali ti ala.+
10 Anyama ti ngonda kue so ayeke na yâ ti gbako ayeke ti mbi,+
même anyama so ayeke na ndö ti ahoto saki oko.
11 Mbi hinga andeke kue ti ahoto;+
gbâ ti anyama ti ngonda so zo alingbi ti diko wungo ni pëpe ayeke ti mbi.
12 Tongana nzara asara mbi, mbi yeke tene nga na mo pëpe,
ndali ti so sese so kobe ayeke sigi dä nga na ye kue so ayeke na yâ ni ayeke ti mbi.+
13 Mbi yeke te nyama ti akoli-bagara?
Mbi yeke nyon mênë ti angasa?+
14 Mû singila na Nzapa tongana sandaga,+
nga sara ye alingbi na azendo so mo mû na Lo so ayeke na nduzu na ndö ti aye kue;+
15 Iri mbi na ngoi ti vundu.+
Mbi yeke sö mo, na mo yeke mû gloire na mbi.”+
16 Me Nzapa ayeke tene na zo ti sioni:
18 Tongana mo bâ zo ti nzi, mo yeda na ye so lo sara;+
nga mo ngbâ ti sara kamarade na azo so agi wali wala koli nde.
19 Na yanga ti mo, mo yeke kangbi asioni tënë;
tënë ti handa agbu yanga ti mo ngangu.+
21 Na ngoi so mo sara aye so, mbi zi yanga pëpe,
tongaso mo pensé so mbi yeke ga tongana mo.
Me fadeso, mbi yeke suku na mo,
na mbi yeke fa atënë so mbi yeke na ni na terê ti mo.+
22 Ala so agirisa Nzapa,+ pardon, ala gbu li ti ala na ndö ti tënë so,
si mbi suru yâ ti ala kete kete pëpe, na zo oko ti sö ala ayeke dä pëpe.