2 Chronique

13 “Na ngu 18 ni ti komandema ti Gbia Jéroboam, Abijah aga gbia na ndö ti azo ti Juda.+ 2 Lo komande na Jérusalem ngu ota. Iri ti mama ti lo ayeke Micaïah,+ molenge ti Uriel zo ti kodro ti Guibéah.+ Bira ayeke lani na popo ti Abijah na Jéroboam.+

3 Abijah na angangu turugu 400 000, so ayeke akpengba turugu,* ague ti sara bira.+ Jéroboam amû nga angangu turugu 800 000, so ayeke akpengba turugu,* na lo na ala ague ti sara bira na Abijah. 4 Abijah ague aluti na ndö ti Hoto ti Zémaraïm, so ayeke na ndo so ahoto ayeke dä na Éphraïm. Lo tene: “Jéroboam! Mo na azo ti Israël kue, ala mä mbi si. 5 Jéhovah Nzapa ti Israël azia David na ahale+ ti lo ti komande na ndö ti Israël lakue lakue.+ Lo mû royaume ni na ala na lege ti mbele ti ingo.*+ Mo hinga ape? 6 Me Jéroboam+ molenge ti Nébat, so ayeke wakua ti Salomon molenge ti David, alondo ti sara kpengba-li na terê ti seigneur ti lo.+ 7 Azo so ayeke na ye ti sarango ni pëpe nga so li ti ala ayeke dä pëpe angbâ ti ga na terê ti lo. Jéroboam na azo ti lo ahon ndö ti Roboam molenge ti Salomon na ngoi so Roboam angbâ maseka nga lo yeke zo ti mbeto, na lo wara lege pëpe ti luti na ala.

8 “Fadeso, ala pensé so ala lingbi ti luti na komandema ti Jéhovah so ayeke na maboko ti ahale ti David, ndali ti so ala yeke gbani nga ala yeke na akoli-bagara ti lor so Jéroboam asara ti duti anzapa ti ala.+ 9 Ala tomba aprêtre ti Jéhovah,+ so ayeke ahale ti Aaron, nga na azo ti mara ti Lévi. Ala zia aprêtre ti ala wani tongana ti so azo ti ambeni kodro asara.+ Zo kue so aga na kete koli-bagara nga na akoli-taba mbasambala alingbi ti ga prêtre ti sara kua tënë ti aye so ayeke nga anzapa pëpe. 10 Âdu ti e, Jéhovah ayeke Nzapa ti e,+ nga e dö lo e zia pëpe. Aprêtre ti e, so ayeke ahale ti Aaron, ayeke sara kua ti Jéhovah, nga azo ti mara ti Lévi ayeke mû maboko na ala na yâ ti kua ni. 11 Lakue na ndapre nga na lakui,+ ala yeke yâa na Jéhovah asandaga so a zö ni agbi kue legeoko na dukane+ so afun pendere. Ala yeke zia mapa so a dö ni na ndö ti terê*+ na ndö ti table so a sara ni na lor ti nzoni ni. Lakue na lakui,+ ala yeke zia wâ na alampe so ayeke na ndö ti ye ti yongo lampe+ so a sara ni na lor. Ala yeke sara akua so kue ndali ti so e yeke sara akua so Jéhovah Nzapa ti e amû na e, me ti ala, ala dö lo ala zia. 12 Tongaso, tâ Nzapa ayeke na e na lo yeke fa lege na e, lo na aprêtre ti lo so ayeke hûru atrompette ti iri e ti gue ti sara bira na ala. Ala azo ti Israël! Ala tiri na Jéhovah Nzapa ti akotara ti ala pëpe, ndali ti so ala yeke sö benda pëpe.”+

13 Me Jéroboam atokua ambeni turugu ti gue ti honde terê ti ala na peko ti aturugu ti Juda, tongaso si lo na tanga ti aturugu ni ayeke na devant ti ala, na aturugu so ahonde terê ti ala ayeke na peko ti ala. 14 Tongana aturugu ti Juda abâ ndo na peko ti ala, ala bâ so ala doit ti tiri na aturugu so ayeke na devant ti ala nga na ala so ayeke na peko ti ala. Tongaso, ala komanse ti toto na Jéhovah,+ na aprêtre ayeke hûru atrompette ngangu. 15 Aturugu ti Juda adë kota kongo ti bira. Na ndembe ni so, tâ Nzapa asö benda na ndö ti aturugu kue ti Israël na lê ti Abijah nga na ti Juda. 16 Aturugu ti Israël akpe na devant ti Juda, na Nzapa azia azo ti Israël na maboko ti ala. 17 Abijah na aturugu ti lo afâ ala sioni sioni; akpengba turugu* ti Israël angbâ ti kui juska wungo ti ala asi 500 000. 18 Kamene agbu aturugu ti Israël na ngoi ni so, me aturugu ti Juda asö benda ndali ti so ala zia bê ti ala kue* na Jéhovah Nzapa ti akotara ti ala.+ 19 Abijah angbâ gï ti tomba peko ti Jéroboam, na lo mû ambeni gbata na maboko ti lo: Béthel+ na akodro so ayeke na gbe ti lo,* Jéshanah na akodro so ayeke na gbe ti lo nga Éphraïn+ na akodro so ayeke na gbe ti lo. 20 Na ngoi ti komandema ti Abijah, Jéroboam akiri awara pëpe ngangu so lo yeke na ni kozo. A si na mbeni ngoi, Jéhovah apunir Jéroboam na lo kui.+

21 Âdu ti Abijah, lo kiri lo kpengba ahon ti kozo. Lo mû awali+ 14, na lo dü amolenge ti koli 22 na ala ti wali 16. 22 Ti tanga ti mbaï ti Abijah, aye so lo sara nga na atënë so lo tene, a sû ni na popo ti atënë ti prophète Iddo.*+