Bia ti Salomon

7 “Mo molenge-wali so azo ane mo mingi,

gere ti mo ayeke tâ pendere mingi na yâ ti poro so mo yü!

Acuisse ti mo ayeke pendere tongana aye ti baba,

kua so zo so ahinga kode nde nde ti sarango kua ti maboko la asara ni.

Yâ ti mo ayeke tongana gbâ ti alê ti blé so a bungbi ni ndo oko,

so afleur ti lis ayeke na terê ni mbage na mbage.

 3 Me ti mo use kue ayeke tongana akete gazelle use,

so a dü ala angbo.+

Lê ti mo+ ayeke tongana aplace ti ngu ti Hesbon+

so ayeke na terê ti yanga ti gbagba ti Bath-Rabbim.

Hôn ti mo ayeke tongana tour ti Liban

so abâ ndo na mbage ti Damas.

 5 Li ti mo asara si mo yeke pendere tongana Carmel,+

nga kuä ti li ti mo+ ayeke tongana laine ti violet.+

 6 Mo yeke pendere mingi nga sarango ye ti terê ti mo anzere na mbi mingi

ahon aye kue so amû ngia na bê ti zo, mo maseka-wali so mbi ye mo mingi.

 7 Tongana mo luti, mo yeke tongana keke ti mbûrü,

nga me ti mo ayeke tongana ali ti tûmuru ni.+

 8 Mbi tene: ‘Mbi yeke monté keke ti mbûrü ni,

ti mû alê ni.’

Zia si me ti mo aduti tongana ali ti alê ti vigne,

fion ti yanga ti mo afun pendere tongana apomme,

 9 nga yanga ti mo anzere tongana vin so ayeke nzoni ahon atanga ni.”

“Zia si a descend nzoni na yâ ti lo so agbu bê ti mbi mingi,

a nzere na yanga ti azo so anyon ni si alango.

10 Mbi yeke ti lo so agbu bê ti mbi mingi,+

na gï mbi la lo sara nzara ti mbi.

11 Mo so mo gbu bê ti mbi mingi so, mo ga

e gue e fono na yâ ti benyama;

e gue e duti na popo ti akeke ti lêlë.+

12 E londo hio, e gue na ayaka ti vigne

ti bâ wala amaboko ti vigne ni asigi,

ti bâ wala yâ ti afleur ni azi+

nga ti bâ wala akeke ti grenade asara fleur.+

13 Fion ti amandragore+ amû ndo kâ;

e yeke na apendere lê ti keke nde nde kue na yanga-da.+

Mo so mo gbu bê ti mbi mingi so, mbi bata na mo

afini ni nga na angbene ni.