Psaume

129 “Depuis lâ ti maseka ti mbi la azo ayeke tiri na mbi lakue,”+

zia azo ti Israël atene fadeso, atene:

 2 “Depuis lâ ti maseka ti mbi la azo ayeke tiri na mbi lakue;+

me ala sö benda na ndö ti mbi pëpe.+

 3 Ambeni asara si lê ti peko ti mbi akpa ndo so a dë yaka dä;+

adû so ala suru na lê ti peko ti mbi ayo.”

 4 Me Jéhovah ayeke mbilimbili;+

lo fâ yâ ti akamba ti azo ti sioni.+

 5 Azo kue so ake Sion,

a yeke zia kamene na lê ti ala, na ala yeke zi terê ti ala na kamene na lê, ala hon.+

 6 Ala yeke ga tongana pere so asigi na li ti da

so ahule kozo si a gboto ni;

 7 a lingbi pëpe ti si yâ ti maboko ti zo so agboto ni,

wala ti duti gbani na kate ti zo so ayeke bungbi alê ti kobe so a kanga gere ni.

“Zia tufa ti Jéhovah aduti na ndö ti ala;

e iri tufa na ndö ti ala na iri ti Jéhovah.”