Apocalypse
11 Na ngoi so a yeke mû na mbi mbeni sosongo+ so akpa mbeni keke,* lo tene: “Londo mo mû mesure ti akubu ti temple ti Nzapa, ti gbalaka ni nga na ti azo so ayeke voro Nzapa na yâ ni. 2 Me âdu ti lacour ni so ayeke na gigi ti akubu ti temple ni, mo zia ni, mo mû mesure ni pëpe, ngbanga ti so a mû ni na amara awe na ala yeke dö ande gbata so ayeke nzoni-kue+ so na gbe ti gere ti ala nze 42.+ 3 Mbi yeke sara ande si atémoin ti mbi use afa tënë ti prophétie ndali ti alango 1 260, na ala yeke yü bongo ti vundu.” 4 Ala la si a haka ala na akeke ti olive use+ nga na aye ti yongo lampe use,+ na ala yeke luti na gbele Seigneur ti sese.+
5 Tongana mbeni zo aye ti sara sioni na atémoin so, wâ ayeke sigi na yanga ti ala si ayeke gbi awato ti ala kue. Tongana mbeni zo aye ti sara sioni na ala, a yeke tongaso si a lingbi a fâ lo. 6 Ala wara komandema ti kanga lê ti nduzu+ si ngu-nzapa apika oko pëpe+ na yâ ti alango so ala yeke tene prophétie ni, ala yeke na komandema na ndö ti angu ti sara si angu ni aga mênë+ na ti pika sese na mara ti asioni ye nde nde lege mingi tongana ti so bê ti ala aye.
7 Tongana ala hunzi ti fa tënë ti ala ni awe, nyama ti ngonda so alondo na yâ ti kota dû so alï mingi si lo sigi so, lo yeke sara bira na ala na lo yeke sö benda na ndö ti ala nga lo yeke fâ ala.+ 8 Kuâ ti ala ayeke lango ande na ndö ti kota lege ti kota gbata ni so na lege ti yingo a iri ni Sodome na Égypte, gbata so a fâ lani Seigneur ti ala na ndö ti keke dä. 9 Ambeni zo na popo ti azo, akete mara, azo ti yanga ti kodro nde nde nga na amara ayeke bâ ande kuâ ti ala lango ota na ndambo,+ na ala yeke yeda pëpe si a zia akuâ ni na yâ ti dû ti kuâ. 10 Terê ti azo so asara kodro na ndö ti sese ayeke nzere nga ala yeke sara ngia, na ala yeke tokua amatabisi na mba na popo ti ala, ngbanga ti so aprophète use so asara pasi mingi na azo so asara kodro na ndö ti sese.
11 Na peko ti lango ota na ndambo ni, yingo so amû fini, so alondo na Nzapa, alï na yâ ti ala,+ na ala londo ala luti na gere ti ala, na kota mbeto agbu azo so abâ ala. 12 Atémoin so amä mbeni go so alondo na yayu atene na ala na kota go, atene: “Ala monté ge.” Ala monté na yayu na yâ ti mbinda, na awato ti ala abâ ala. 13 Na yâ ti ngbonga ni so, sese ayengi ngangu mingi, na mbeni mbage oko ti gbata ni na popo ti ambage bale-oko atuku na sese; yengingo ti sese ni afâ azo 7 000, mbeto agbu tanga ti azo ni, na ala mû gloire na Nzapa ti yayu.
14 Use mawa ni ahon awe.+ Bâ, ota mawa ni ayeke ga gï hio.
15 Mbasambala ange ni ahûru trompette ti lo.+ Ago asara tënë na kota go na yayu, atene: “Fadeso royaume ti dunia aga Royaume ti Seigneur ti e+ na ti Christ ti lo awe,+ lo yeke komande ande tongana gbia lakue lakue nga kpu na kpu.”+
16 A-ancien 24+ so aduti na ndö ti atrône ti ala na gbele Nzapa atï, ala kuku lê ti ala na ala voro Nzapa, 17 ala tene: “E kiri singila na mo Jéhovah* Nzapa, Mo so ngangu ti mo ahon angangu kue, Mo so mo yeke dä fadeso,+ na mo yeke dä ândö, ngbanga ti so mo mû kota ngangu ti mo, na mo to nda ti komande tongana gbia awe.+ 18 Me amara asara kota ngonzo na ngonzo ti mo asi awe, ngoi so a fa ti fâ ngbanga ti akuâ alingbi awe, na ti mû futa+ ti angbâa ti mo aprophète+ na ala, ti mû futa ti azo ti be-vulu na ala nga ti mû na ala so akpe mbeto ti iri ti mo futa ti ala, akete zo na akota zo, nga ti futi azo so ayeke futi sese.”+
19 Na pekoni, yanga ti akubu ti temple ti Nzapa so ayeke na yayu azi, na a bâ sanduku ti mbele ti lo na yâ ti akubu so.+ Awâ ti bekpa aza, ago atoto, bekpa asungba, sese ayengi nga gbâ ti aglason atï!