Job
36 Élihu angbâ ti sara tënë, lo tene:
2 “Kanga bê ti mo encore kete na ndembe so mbi ngbâ ti sara tënë,
ndali ti so mbi yeke lakue na atënë ti tene ni na iri ti Nzapa.
3 Mbi yeke fa anzene nzene tënë na ndö ti ye so mbi hinga,
na mbi yeke fa so Zo so asara mbi ayeke mbilimbili.+
4 Ti tâ tënë ni, tënë so mbi tene ayeke mvene pëpe;
Lo so ahinga ye kue+ ayeke na gbele mo ge.
6 Lo yeke bata azo ti sioni na fini pëpe,+
me azo so ayeke bâ pasi, lo yeke sara si a fâ ngbanga ti ala mbilimbili.+
7 Lê ti lo angbâ gï na ndö ti azo ti mbilimbili;+
lo zia ala na ndö ti atrône si ala ga agbia,*+ na a yâa iri ti ala lakue lakue.
8 Me tongana a kanga ala na zingiri,
nga ala bâ pasi, na ala sigi dä gbä,
9 lo fa na ala aye so ala sara,
akengo ndia so baba apusu ala ti sara.
10 Lo zi mê ti ala si ala mä wango,
na lo tene na ala ti zia lege ti sarango sioni.+
11 Tongana ala mä yanga ti lo na ala sara na lo,
ala yeke duti nzoni na yâ ti gigi ti ala kue
nga gigi ti ala ayeke nzere na ala.+
13 Azo so akpe Nzapa pëpe* ayeke bata ngonzo na bê ti ala.
Ala toto ti wara mungo maboko pëpe même tongana lo kanga ala.
14 Ala kui* na ngoi so ala de maseka,+
ala yeke lakue* na terê ti akoli so ayeke na yâ ti temple, so azia terê ti ala na amba ti ala koli si ala lango na ala.+
15 Me Nzapa asö* azo so ayeke bâ pasi na yâ ti pasi ti ala ni,
lo zi mê ti ala ti mä ndo na ngoi so a yeke sara pasi na ala.
16 Lo zi mo na ngoi so a ngbâ kete mo tï ndali ti ye ti vundu,+
lo gue na mo na mbeni ndo so akono, so mo lingbi ti fono dä yamba,+
na lo zia pendere kobe na ndö ti table ti mo ti dë bê ti mo.+
17 Na pekoni, ngbanga so a dë na ndö ti azo ti sioni ayeke dë bê ti mo,+
na ngoi so a dë ngbanga ti mbilimbili nga a sara ye alingbi na ni.
18 Me mo sara hange si ngonzo apusu mo ti sara sioni* pëpe,+
nga zia pëpe si kota ye so a mû ti pete na goro asara si mo gue yongoro.
19 Toto so mo toto ti tene a mû maboko na mo,
wala ngangu kue so mo sara ayeke sara si ye ti vundu asi na mo ape?+
20 Zia nzara ti bï asara mo pëpe,
na ngoi so azo ayeke na ndo ti ala encore ape.
21 Sara hange si mo to nda ti sara ye ti sioni pëpe,
si mo soro ni ahon ti kanga bê na yâ ti pasi.+
22 Bâ, ngangu ti Nzapa asara si lo yeke kota mingi;
zo ti fango ye wa ayeke tongana lo?
25 Azo kue abâ ni,
senge zo angbâ ayo si lo bâ ni.
26 Ti tâ tënë ni, Nzapa ayeke kota ahon ti so e peut ti hinga;+
29 Zo alingbi ti hinga ye na ndö ti lege so ambinda agbara terê na ndö ti mba?
Nga na bekpa so asungba na yâ ti tente* ti lo?+
32 Na maboko ti lo, lo honde wâ ti bekpa,
na lo tokua ni na terê ti ye so lo ye ti tene a tï dä.+
33 Bekpa ti lo afa ye na ndö ti lo,
même anyama ayeke fa zo* wa la ayeke ga.