Psaume
Psaume ti amolenge ti Coré.+ Bia.
87 Gere ti gbata ti Lo ayeke na ndö ti ahoto so ayeke nzoni-kue.+
2 Jéhovah aye ayanga ti gbagba ti Sion+
ahon atente kue ti Jacob.
3 A yeke tene apendere tënë na ndö ti mo, gbata ti tâ Nzapa.+ (Sélah)
4 Mbi yeke diko Rahab+ na Babylone na popo ti azo so ahinga mbi;
bâ Philistie, Tyr nga na Cush.
A yeke tene ande, a tene: “Mbeni oko so a dü lo ge la.”
5 Ti Sion, a yeke tene ande, a tene:
“Ala oko oko kue, a dü ala dä.”
Lo so ayeke na nduzu na ndö ti aye kue ayeke sara si gere ni aluti nzoni.
6 Na ngoi so Jéhovah ayeke sû na mbeti iri ti azo ti amara, lo yeke tene ande:
“Mbeni oko so a dü lo ge la.” (Sélah)
7 Azo ti hengo bia+ nga na azo so ayeke dodo na cercle+ ayeke tene:
“Anzoni ye kue so mbi wara alondo na mo.”+