Apocalypse

2 “Sû mbeti na ange+ ti congrégation so ayeke na Éphèse,+ mo tene: Bâ aye so lo so agbu atongoro mbasambala na yâ ti maboko ti lo ti koli, lo so atambela na popo ti aye ti yongo lampe mbasambala so a sara ni na lor atene la:+ 2 ‘Mbi hinga aye so mo sara, mbi hinga ngangu kua ti mo na gbungo ngangu so mo gbu; mbi hinga so mo lingbi pëpe ti kanga bê ti mo na asioni zo, nga mbi hinga so mo tara azo so atene ala yeke abazengele,+ me ala yeke abazengele pëpe, na mo bâ so ala yeke azo ti mvene. 3 Mo fa nga so mo yeke gbu ngangu, na mo kanga bê na yâ ti akpale mingi ndali ti iri ti mbi+ na mo woko kue pëpe.+ 4 Ye oko, ye so mbi ke na mo ayeke so: ndoye so mo yeke na ni kozo, mo zia ni awe.

5 “‘Tongaso, dabe ti mo na ndo so mo yeke dä si mo tï so, changé bê ti mo na mo sara akusala ti mo ti ândö.+ Tongana mo sara ni pëpe, mbi yeke si na mo kâ na mbi yeke zi ande ye ti yongo lampe ti mo+ na ndo so ayeke dä; tongana mo changé bê ti mo, mbi yeke zi ni pëpe.+ 6 Me nzoni ti mo ayeke so mo ke asarango ye ti azo ti secte ti Nicolas,+ so mbi kue mbi ke ni. 7 Zia zo so ayeke na mê amä ye so yingo atene na acongrégation:+ Zo so asö benda,+ mbi yeke mû ande lege na lo ti te lê ti keke ti fini,+ so ayeke na yâ ti paradis ti Nzapa.’

8 “Sû mbeti na ange ti congrégation so ayeke na Smyrne, mo tene: Bâ aye so lo so ayeke ‘Kozo zo ni nga Ndangba zo ni,’+ lo so akui lani na lo kiri na fini atene la:+ 9 ‘Mbi hinga aye ti vundu so ayeke si na mo, yere ti mo (me mo yeke na mosoro)+ nga na zonga so azo so atene ala yeke aJuif ayeke zonga na mo, andâ ala yeke aJuif pëpe, me ala yeke synagogue ti Satan.+ 10 Sara mbeto ti apasi so aga nduru ti si na mo so pëpe.+ Bâ, Zabolo ayeke ngbâ ande ti bi ambeni na popo ti ala na da ti kanga si a tara ala mbilimbili, nga aye ti vundu ayeke si na ala lango bale-oko. Duti be-ta-zo juska na kuâ, na mbi yeke mû ande na mo couronne ti fini.+ 11 Zia zo so ayeke na mê amä+ ye so yingo atene na acongrégation: Zo so asö benda,+ kuâ ti use ni ayeke sara ande sioni na lo oko pëpe.’+

12 “Sû mbeti na ange ti congrégation so ayeke na Pergame, mo tene: Bâ aye so lo so ayeke na yongoro épée so yanga ni ayeke use si aza mingi atene la:+ 13 ‘Mbi hinga ndo so mo sara kodro dä so, so ti tene ndo so trône ti Satan ayeke dä; me mo ngbâ ti gbu iri ti mbi ngangu+ na mo bere mabe ti mo na mbi pëpe+ même na ngoi ti Antipas, témoin ti mbi, be-ta-zo+ so a fâ lo+ na terê ti ala, na ndo so Satan asara kodro dä.

14 “‘Me ambeni ye so mbi ke na mo ayeke so: mo yeke na ambeni zo so agbu fango ye ti Balaam+ ngangu, lo so afa na Balak+ ti zia na gbe ti amolenge ti Israël mbeni ye ti tene ala pika gere ti ala dä, ti te aye so a mû na sandaga na ayanda nga ti sara lango-sioni.*+ 15 Nga, mo yeke na ambeni zo so agbu fango ye ti secte ti Nicolas+ ngangu tongaso nga. 16 Tongaso, changé bê ti mo. Tongana mo changé pëpe, mbi yeke si na mo kâ fafadeso, na mbi yeke sara bira na ala na yongoro épée so ayeke na yanga ti mbi.+

17 “‘Zia zo so ayeke na mê amä ye so yingo atene na acongrégation:+ Zo so asö benda,+ mbi yeke mû ande na lo mbeni mbage ti manne so a honde ni,+ na mbi yeke mû na lo mbeni vuru tênë; na a sû na ndö ti tênë ni mbeni fini iri so mbeni zo nde ahinga ni pëpe, gï lo so ayeke wara ni.’

18 “Sû mbeti na ange ti congrégation so ayeke na Thyatire,+ mo tene: Bâ aye so Molenge ti Nzapa, lo so lê ti lo ayeke tongana wâ so aza ngangu,+ na gere ti lo ayeke tongana cuivre so ayeke pendere mingi,+ atene la: 19 ‘Mbi hinga aye so mo yeke sara, mbi hinga ndoye ti mo, mabe ti mo, kusala so mo sara na azo, gbungo ngangu so mo gbu; na mbi hinga so aye so mo sara fadeso ayeke mingi ahon ati so mo sara kozo.

20 “‘Me ye so mbi ke na mo ayeke so: mo kanga lê na ndö ti wali Jézabel,+ lo so lo iri terê ti lo wani prophète-wali, lo yeke fa ye na angbâa ti mbi si lo yeke handa ala ti sara lango-sioni*+ na ti te aye so a mû na sandaga na ayanda. 21 Mbi zia ngoi na lo ti tene lo changé bê ti lo, me lo ye ti changé bê ti lo pëpe ti zia lege ti lango-sioni* ti lo. 22 Bâ, mbi yeke nduru ti bi lo na ndö ti gbogbo ti kobela, na ala so agi lo na wali, mbi yeke bi ala na yâ ti kota ye ti vundu; tongana ala changé bê ti ala, mbi yeke sara ye so na ala pëpe. 23 Na mbi yeke fâ ande amolenge ti lo na sioni kobela ti fango zo, si acongrégation kue ayeke hinga so mbi yeke lo so abâ aye so ayeke na gbe ti bê ti zo kâ* nga so ayeke bâ bê ti zo, na mbi yeke futa ande ala oko oko alingbi na aye so ala sara.+

24 “‘Me mbi tene na tanga ti ala so ayeke na Thyatire, ala kue so ake ti mû peko ti fango ye so, ala so agi ti hinga pëpe aye so a iri ni “aye ti Satan so ndani alï mingi,”+ mbi tene: Mbi yeke zia mbeni nengo kungba nde na ndö ti ala pëpe. 25 Gï ye oko, ala gbu ye so ala yeke na ni so ngangu juska mbi ga.+ 26 Ti lo so asö benda nga so asara ye alingbi na aye so mbi sara, na lo sara ni juska na nda ni, mbi yeke mû ande na lo komandema na ndö ti amara,+ 27 na tongana berger, lo yeke fa lege na azo na barre ti wen+ si a yeke fâ ande yâ ti ala kete kete tongana ata ti sese, gï tongana ti so mbi wara komandema na mbage ti Babâ ti mbi, 28 na mbi yeke mû na lo tongoro ti ndapre.+ 29 Zia zo so ayeke na mê amä ye so yingo atene na acongrégation.’