Psaume
Na mokonzi ti azo ti pikango mozoko; ti pika ni na aye ti mozoko so ayeke na kamba. Maskil.* Psaume ti David.
2 Dengi mê mo mä mbi, na kiri tënë na mbi.+
Gingo bê ti mbi asara si mbi duti gbä,+
nga li ti mbi ayeke kpô pëpe
3 ndali ti tënë so awato ti mbi ayeke tene
nga na ngangu so zo ti sioni ayeke sara na ndö ti mbi.
Ala ga na gbâ ti akpale na mbi,
nga na ngonzo, ala ngbâ ti bata mbi na bê ti ala.+
5 Mbeto asara mbi, terê ti mbi ayeke dö,
terê ti mbi ayeke dö ngangu mingi.
6 Mbi yeke tene: “Tongana fade mbi yeke na kpangbi tongana kolokoto,
ka mbi huru mbi hon mbi duti na siriri.
7 Ka mbi kpe mbi hon ayo.+
Ka mbi lango na yâ ti benyama.+ (Sélah)
8 Ka mbi kpe hio na mbeni ndo ti bata terê ti mbi
yongoro na pupu so aya ngangu, yongoro na kota pupu ti ngu.”
9 Jéhovah, bi tomboka na li ti ala, buba yâ ti aye so ala leke ti sara,*+
ndali ti so mbi bâ sarango ye ti ngangu na zo nga na tiri na yâ ti gbata ni.
10 Bï na lâ ala ngoro na li ti agbagba ni;
sarango mbana na zo nga na kpale ayeke na yâ ni.+
11 Bubango ye ayeke na yâ ni;
sarango ye ti ngangu na zo na handango zo angbâ ngbango na ndo so azo ayeke gue ka dä mingi.+
12 A yeke pëpe mbeni wato la agi yanga ti mbi;+
tongana a yeke tongaso, ka mbi kanga bê ti mbi.
A yeke pëpe mbeni zo so ake mbi la alondo na terê ti mbi;
tongana a yeke tongaso, ka mbi honde terê ti mbi si lo bâ mbi pëpe.
14 Mbi na mo e yeke lani akota kamarade;
mbi na mo e yeke tambela lani ti gue na da ti Nzapa, e na gbâ ti azo.
15 Zia si a futi awato ti mbi!+
Zia si ala gue na Dû ti kuâ* na fini lê ti ala;
ndali ti so sioni ye ayeke na popo ti ala nga na yâ ti bê ti ala.
16 Ti mbi, mbi yeke iri ndo na Jéhovah Nzapa,
na lo yeke sö mbi.+
18 Lo yeke sö* mbi na maboko ti azo so ayeke tiri na mbi, na lo mû siriri na mbi,*
ndali ti so gbâ ti azo la si alondo na terê ti mbi.+
19 Nzapa ayeke mä mbi, na lo yeke londo na terê ti ala,+
Lo so aduti na ndö ti trône ngbene ye giriri.+ (Sélah)
Azo so akpe Nzapa pëpe,+
ala yeke ke ti changé.
Atënë ti yanga ti lo awoko zo ahon mafuta,
me ala yeke tongana a-épée so a gboto ni na yâ ti bozo ni awe.+
Lo yeke zia lâ oko pëpe si zo ti mbilimbili atï.*+
23 Me mo, Nzapa, mo yeke gue na azo ni so na yâ ti dû so alï ahon atanga ni.+
Azo so ngbanga ti mênë ayeke na li ti ala nga na azo ti handa ayeke si na ndambo ti lango ti fini ti ala pëpe.+
Me mbi, mbi yeke zia bê ti mbi na ndö ti mo.