Psaume
74 Nzapa, nyen la si mo ke e biani biani so?+
Ndani nyen si ngonzo ti mo agbi tongana wâ na terê ti ataba ti mo so mo yeke bâ lege ti ala?+
2 Dabe ti mo na azo* so mo mû ala ti ga ye ti mo aninga awe,+
mara so mo zi ala ti ga héritage ti mo.+
Dabe ti mo na Hoto ti Sion, ndo so mo duti dä.+
3 Gue na ndo so aye angbâ lakue na bubango ni dä.+
Wato abuba lani ye kue na ndo so ayeke nzoni-kue.+
4 Awato ti mo adekongo na ndo so azo abungbi ti voro mo dä.*+
Ala yâa abanderole ti ala wani na nduzu kâ.
5 Ala yeke tongana akoli so amû adö adë na akeke na sese na yâ ti gbako.
6 Ala mû adö na angbongboro wen ala dë yâ ti aye kue so a dë adessin na terê ni.+
7 Ala gbi ndo ti mo so ayeke nzoni-kue.+
Ala buba nengo ti tabernacle so iri ti mo ayeke dä, ala kungbi ni na sese.
8 Ala na amolenge ti ala atene na yâ ti bê ti ala, atene:
“Ando kue ti kodro ni so azo ayeke bungbi dä ti voro Nzapa, a doit ti gbi ni.”
9 Mbeni fä so e bâ ni ayeke dä pëpe.
Prophète ayeke dä encore ape,
na zo oko na popo ti e ahinga pëpe juska lawa si ye ni ayeke ngbâ tongaso.
10 Nzapa, juska lawa la wato ayeke ngbâ ti gi yanga?+
Wato ayeke ngbâ ti bi nengo ti iri ti mo na sese lakue lakue?+
11 Maboko ti mo ti koli so, mo ke ti sara kua na ni ngbanga ti nyen?+
Sigi na ni na yâ ti bongo ti mo* na mo futi ala.
12 Me Nzapa ayeke Gbia ti mbi depuis giriri,
lo la lo yeke sara aye na ndö ti sese ti sö azo.+
13 Na lege ti ngangu ti mo,+ mo sara si ngu-ingo ayengi;
mo neka yâ ti li ti akota nyama ti yâ ti angu.
15 Mo suru lege si ali ti ngu nga na angu so asua ahon dä;+
mo sara si akota ngu so ayeke sua ka lakue ahule.+
16 Kota lâ ayeke ti mo, bï nga kue.
18 Jéhovah, dabe ti mo na agingo yanga ti wato,
tongana nyen mbeni buba mara abuba nengo ti iri ti mo.+
19 Zia fini* ti kolokoto ti mo na maboko ti anyama ti ngonda pëpe.
Azo ti mo so abâ pasi, girisa na ndö ti fini ti ala biani biani pëpe.
20 Dabe ti mo na mbele so mo te na e,
ndali ti so ambage ti sese so bingo ayeke dä asi singo na ando ti lango ti azo ti sarango ye ti ngangu na zo.
21 Zia si zo so azo asara pasi na lo ahon na vundu na bê ti lo pëpe.+
Zia si azo ti mawa na awayere asepela iri ti mo.+
22 Nzapa, londo mo gbu koko ti mo wani na gbele ngbanga.
Dabe ti mo tongana nyen la azo ti buba agi yanga ti mo na yâ ti lango ni kue.+
23 Girisa pëpe tënë so awato ti mo ayeke tene.
Wusuwusu ti azo so asara kpengba-li na mo ayeke monté lakue na nduzu.