2 Chronique
22 Na pekoni, azo ti Jérusalem azia Achaziah, tanga ti molenge ti Joram ti koli, gbia na peko ti lo, ndali ti so azo so ayeke gbu ka aye ti azo na ngangu nga na azo ti kodro ti Arabie so aga na yâ ti camp ti azo ti Juda afâ ayaya ni kue awe.+ Tongaso, Achaziah molenge ti Joram akomande na ndö ti Juda.+ 2 Achaziah ayeke na ngu 22 na ngoi so lo ga gbia. Lo komande na Jérusalem ngu oko. Iri ti mama ti lo ayeke Athalie,+ âta* ti Omri.+
3 Lo nga kue lo sara ye tongana ti Achab na ahale ti lo,+ ndali ti so mama ti lo la aga wawango ti lo, lo mû na lo wango ti sara aye ti sioni. 4 Lo ngbâ ti sara ye so ayeke sioni na lê ti Jéhovah, tongana ti Achab na ahale ti lo, ndali ti so na peko ti kuâ ti babâ ti lo, ala la aga awawango ti lo, na ala gue na lo ngbii lo wara kuâ. 5 Lo sara ye alingbi na wango ti ala, na lo na Joram molenge ti Achab gbia ti Israël ague asara bira na Hazaël+ gbia ti Syrie na Ramoth-Galaad.+ Kâ, azo ti pikango kokora azia kä na terê ti Joram. 6 Joram akiri na Jizréel+ ti tene lo wara ngangu na peko ti akä so a zia na terê ti lo na Ramah na ngoi so lo tiri na Hazaël gbia ti Syrie.+
Achaziah,* molenge ti Joram+ gbia ti Juda, ague na Jizréel ti bâ Joram+ molenge ti Achab, ndali ti so lo wara kä.*+ 7 Me Nzapa asara si guengo ti Achaziah na ndo ti Joram aga na kuâ na lo Achaziah ni. Na ngoi so lo si kâ, lo na Joram ague ti wara Jéhu+ âta* ti Nimshi so Jéhovah asoro lo ti fâ* ahale ti Achab.+ 8 Tongana Jéhu akomanse ti sara ye alingbi na ngbanga so a dë na ndö ti ahale ti Achab, lo wara amokonzi ti Juda nga na amolenge ti aita ti Achaziah ti koli, so ayeke awakua ti Achaziah, na lo fâ ala.+ 9 Na pekoni lo gi Achaziah; azo agbu lo na ndo so lo honde terê ti lo dä na Samarie, ala ga na lo na Jéhu na ala fâ lo. Na pekoni ala lu kuâ ti lo,+ ndali ti so ala tene: “Lo yeke âta ti Josaphat so agi lani Jéhovah na bê ti lo kue.”+ Mbeni hale ti Achaziah so ayeke na ngangu ti komande kodro ni ayeke dä pëpe.
10 Tongana Athalie,+ mama ti Achaziah, abâ so molenge ti lo Achaziah akui awe, lo gue lo fâ ahale kue so alingbi ti ga gbia na Juda.+ 11 Me Jéhoshabéath, so ayeke molenge ti Gbia Joram ti wali, azi Joas+ molenge ti Achaziah na popo ti amolenge ti gbia ni so a ye ti fâ ala so. Lo zia lo nga na wali so ayeke bâ lege ti lo na yâ ti mbeni chambre. Jéhoshabéath ayeke molenge ti Gbia Joram+ ti wali, lo yeke wali ti prêtre Jéhoïada+ nga ita ti Achaziah. Lo wara lege ti honde molenge ni si Athalie afâ lo pëpe.+ 12 Molenge ni angbâ na terê ti ala ngu omene na ngoi so a honde lo na yâ ti da ti tâ Nzapa, na yâ ti ngoi so Athalie ayeke komande na ndö ti kodro ni.