Psaume
Na mokonzi ti azo ti pikango mozoko. Bia ti David.
13 Jéhovah, juska lawa la mo yeke ngbâ ti girisa mbi? Mo yeke girisa mbi biani biani?
Mo yeke honde lê ti mo+ na mbi juska lawa?
2 Juska lawa la bê ti mbi* ayeke gï na nduzu?
Juska lawa la vundu ayeke na bê ti mbi lâ na lâ?
Juska lawa la wato ti mbi ayeke ngbâ ti sö benda na ndö ti mbi?+
3 Jéhovah, Nzapa ti mbi, bâ mbi na kiri tënë na mbi.
Zia lumière na lê ti mbi, si mbi kui pëpe,
4 si wato ti mbi atene pëpe: “Mbi sö benda na ndö ti lo awe!”
Zia awato ti mbi asara ngia pëpe ndali ti tingo ti mbi.+
5 Ti mbi, mbi zia bê ti mbi na ndö ti tâ ndoye ti mo;+
bê ti mbi ayeke na ngia ndali ti aye so mo sara ti sö zo.+
6 Mbi yeke he bia na Jéhovah, ndali ti so lo futa mbi nzoni mingi.*+