Ésaïe
27 Na ngoi ni so, Jéhovah ayeke gbu épée ti lo so yanga ni aza nga so amû mbeto na zo+
ti pika na Léviathan,* ngbo so ayeke hara;
ti pika na Léviathan, ngbo so ayeke hon hio hio.
Lo yeke fâ kota nyama ni so ayeke na yâ ti ngu-ingo.
2 Na ngoi ni so, ala he bia na wali ni,* atene:
“Lo yeke tongana yaka ti vigne so a yeke mû lê ni ti sara na nzoni vin.+
3 Mbi, Jéhovah, mbi yeke bata lo.+
Mbi yeke tuku ngu na terê ti lo lakue.+
Mbi yeke bata lo bï na lâ,
tongaso si mbeni zo asara sioni na lo pëpe.+
4 Mbi sara ngonzo na terê ti lo encore ape.+
Zo wa la ayeke mû ande akeke ti sisi nga na apere ti ga ti tiri na mbi?
Mbi yeke tambela na ndö ni, nga mbi yeke bungbi ni kue mbi gbi ni.
5 Ahon ti gi ti tiri na mbi, zia zo ni aga na yâ ti ngangu gbagba ti mbi.
Mbi ye si lo gi ti duti na siriri na mbi;
zia lo gi ti duti na siriri na mbi.”
6 Na yâ ti ngoi so ayeke ga, gunda ti Jacob ayeke lï sese.
Israël ayeke ga tongana keke so asara gbâ ti afleur.+
Kodro ni ayeke si singo na alengo ti keke ni.+
7 A lingbi a pika azo ti Israël sioni sioni ngbanga ti nyen?
A lingbi a fâ azo ni tongaso ngbanga ti nyen?
8 Lo yeke dekongo na li ti wali ni na ngoi so lo ye ti tomba lo yongoro na terê ti lo.
Na ngoi ni so, lo yeke tomba lo na lege ti pupu ti yanga ti lo, so ayeke ngangu tongana pupu so aya na est.+
9 A yeke na lege so si a yeke zi faute ti Jacob.+
Na ngoi so a pardonné siokpari ti lo, ye ti peko ni ayeke so:
Lo yeke sara si atênë kue ti gbalaka
aga tongana mbamba so a neka yâ ni,
nga mbeni yongoro yanda* wala mbeni gbalaka ti zongo na dukane ayeke ngbâ pëpe.+
10 Azo ayeke dö ande gbata so ayeke na yâ ti ngangu gbagba ti zia;
azo ayeke girisa na ndö ti ando ti tengo pere ti anyama, na a yeke ga tongana mbeni benyama.+
Amolenge ti bagara ayeke te pere kâ, ala yeke lango kâ
nga ala yeke te akugbe ti amaboko ti keke.+
Hingango ndo amanke azo ti Israël;+
ni la Zo so asara ala ayeke bâ mawa ti ala pëpe,
nga Zo so aleke ala ayeke sara nzoni bê na ala pëpe.+
12 Azo ti Israël,+ legeoko tongana ti so zo ayeke fâ alê ti keke, lo ro ni oko oko kue nga lo bungbi ni place oko, Jéhovah ayeke bungbi ande ala so yâ ti ala akangbi a komanse na ndo so Ngu ti Euphrate ayeke sua dä juska na Popo-hoto* ti Égypte.+ 13 Na ngoi ni so, kota didi ayeke toto ngangu,+ na azo so aga nduru ti kui na kodro ti Assyrie+ nga na azo so yâ ti ala akangbi na yâ ti Égypte+ ayeke ga, na ala yeke kuku na gbe ti Jéhovah na ndö ti hoto so ayeke nzoni-kue na Jérusalem.+