Psaume
Bia ti David.
29 Amolenge ti awangangu, ala mû na Jéhovah ye so lo yeke na droit ti wara ni,
ala mû ni na Jéhovah ndali ti gloire nga na ngangu ti lo!+
2 Ala mû na Jéhovah gloire so alingbi na iri ti lo.
Ala yü apendere bongo so a zia ni nde ndali ti kua ti Nzapa, ala kuku na gbe ti* Jéhovah.
3 A mä go ti Jéhovah na ndö ti angu;
go ti Nzapa ti gloire atoto tongana bekpa.+
Jéhovah ayeke na ndö ti gbâ ti angu.+
4 Go ti Jéhovah atoto ngangu;+
toto ti go ti Jéhovah ayeke ye ti gloire.
5 Toto ti go ti Jéhovah akungbi akeke ti cèdre;
Jéhovah afâ yâ ti akeke ti cèdre ti Liban.+
7 Go ti Jéhovah atoto, na alê ti wâ asigi dä.+
Nga azo kue so ayeke na yâ ti temple ti lo atene: “Gloire!”
10 Jéhovah aduti na ndö ti trône na ndö ti kota ngu so apika si asuku amû ndo;*+
Jéhovah aduti na ndö ti trône tongana Gbia lakue lakue.+
11 Jéhovah ayeke mû ngangu na azo ti lo.+
Jéhovah ayeke sara tufa na ndö ti azo ti lo na mungo na ala siriri.+