Psaume

Ala so ayeke na yayu, ala sepela Jéhovah;+

ala so ayeke kâ na nduzu, ala sepela lo.

 3 Lâ na nze, ala sepela lo.

Atongoro kue so ayeke za, ala sepela lo.+

 4 Mbage ti yayu so ayo na nduzu ahon atanga ni,* ala sepela lo.

Angu so ayeke na ndö ti yayu, ala sepela lo.

 5 Zia si aye so kue asepela iri ti Jéhovah,

ndali ti so lo mû yanga, na a créé ala.+

 6 Lo sara si ala ngbâ na place ti ala lakue lakue nga kpu na kpu,+

lo sigi na mbeni mbela so ngangu ni ayeke hunzi pëpe.+

 7 Ala sepela Jéhovah na ndö ti sese,

ala akota nyama ti ngu-ingo nga na angu kue so alï mingi,

 8 wâ ti bekpa na aglason, neige na ambinda so ane,

kota pupu ti ngu so ayeke sara ye alingbi na tënë ti lo,+

 9 ahoto na akete hoto kue,+

akeke so a yeke te alengo ni nga na akeke ti cèdre kue,+

10 anyama ti ngonda+ nga na anyama ti kodro kue,

anyama so ahara nga na andeke,

11 agbia ti sese nga na amara kue,

amokonzi nga na ajuge kue ti sese,+

12 amaseka-koli nga na amaseka-wali,*

ambakoro-koli nga na amaseka.*

13 Zia ala kue asepela iri ti Jéhovah,

ndali ti so gï iri ti lo oko la ayo na nduzu mingi.+

14 Lo yeke sara si azo ti lo akiri awara ngangu mingi,*

si a gonda azo ti lo kue so ayeke be-ta-zo,

amolenge ti Israël so ayeke azo so ayeke nduru mingi na lo.