Psaume
Maskil.* Psaume ti David, na ngoi so lo yeke na yâ ti dû ti tênë.+ Sambela.
142 Mbi dekongo ngangu na Jéhovah ti tene lo mû maboko na mbi;+
mbi dekongo ngangu ti voro yanga na Jéhovah ti sara nzoni bê na mbi.
2 Mbi fa agingo bê ti mbi kue na lo;
mbi fa na lo ye so amû kota vundu na mbi+
3 na ngoi so ngangu* ti mbi ague ti hunzi.
Na pekoni, lê ti mo ayeke gï na ndö ti lege ti mbi.+
Awato ti mbi azia gbanda
na lege ti mbi.
5 Jéhovah, mbi iri mo ti mû maboko na mbi.
Mbi tene: “Mo yeke ndo so mbi kpe dä ti bata terê ti mbi;+
na popo ti azo so ayeke na fini, oko ye so mbi yeke na ni* ayeke gï mo.”
6 Dengi mê na toto so mbi toto na mo ti mû maboko na mbi,
ndali ti so a sara ye ti kamene na mbi mingi.
Zi mbi na maboko ti azo so ayeke sara ye ti ngangu na mbi,+
ndali ti so ala yeke ngangu ahon mbi.
7 Sigi na mbi* na yâ ti da ti kanga so ayeke na gbe ti sese
si mbi sepela iri ti mo.
Zia si azo ti mbilimbili angoro mbi,
ndali ti so mo sara ye na nzoni bê na mbi.