Psaume
OTA MBETI NI
(Psaume 73-89)
Bia ti Asaph.+
73 Biani, Nzapa ayeke nzoni mingi na mbage ti Israël, na mbage ti azo so bê ti ala avuru.+
2 Âdu ti mbi, a ngbâ kete gere ti mbi amû mbeni lege nde,
a ngbâ kete gere ti mbi aglissé,+
6 Ni la ala yü baba tongana ye ti go na go ti ala;+
ala yü sarango ye ti ngangu na azo tongana bongo.
7 Aye ti ala so amaï* asara si para ti lê ti ala asuku;
ala wara ye ahon ti so ala pensé lani ti wara.
8 Ala yeke he zo nga ala yeke tene asioni tënë.+
Na baba, ala yeke sara tënë ti ye ti ngangu so ala ye ti sara na azo.+
9 Ala sara tënë, mo bâ mo tene ala yeke na nduzu mingi tongana yayu;
na ndo kue so ala gue dä, ala bata yanga ti ala pëpe.
10 Tongaso azo ti lo ague na mbage ti ala,
na ala nyon mbage ti gbâ ti ngu so ala yeke na ni.
11 Ala tene: “Nzapa ahinga ni tongana nyen?+
Lo so ayeke na nduzu na ndö ti aye kue ahinga biani aye so?”
12 Ti azo ti sioni ayeke tongaso, gigi awoko na ala lakue.+
Ala ngbâ gï ti bungbi gbâ ti mosoro.+
13 Ti tâ tënë ni, mbi ngbâ ti sara si bê ti mbi avuru gï senge senge,
nga a yeke gï senge senge la mbi sukula tïtî mbi ti fa so tënë ayeke na li ti mbi pëpe.+
15 Me tongana mbi tene fade atënë ni so,
andâ mbi kä azo ti mo.
16 Na ngoi so mbi gi ti mä yâ ti ye ni nzoni,
a ga na mbi gingo bê mingi,
17 juska mbi gue na pendere ndo ti Nzapa so ayeke nzoni-kue,
na mbi ga ti hinga ye so ayeke ku ala.
18 Ti tâ tënë ni, mo zia ala na mbeni ndo so ayeke dongo dongo.+
Mo sara si ala tï na a futi ala.+
19 Gï hio tongaso, a futi ala.+
Gï hio tongaso, ala wara kuâ ti ngangu.
20 Jéhovah, tongana ti so zo abâ li ti lo si lo girisa ni na ngoi so lo zingo,
mo yeke zi image ti ala na yâ ti li ti mo* na ngoi so mo londo.
22 Mbi gbu li lani nzoni pëpe nga mbi hinga ndo pëpe;
na gbele mo, mbi yeke lani tongana nyama so ahinga ndo pëpe.
25 Mbi yeke na zo wa na yayu kâ?
Nga mbi sara nzara ti mbeni ye oko na ndö ti sese pëpe, gï mo oko awe.+
26 Terê ti mbi na bê ti mbi alingbi ti woko,
me Nzapa ayeke kota tênë so asara si bê ti mbi awara ngangu nga lo yeke part ti mbi lakue lakue.+
27 Ti tâ tënë ni, azo so angbâ yongoro na mo ayeke kui.
Azo kue so ake mo na sarango ye kirikiri,* mo yeke futi* ala.+
28 Me ti mbi, ti ga nduru na Nzapa asara nzoni na mbi.+
Mbi sara si Jéhovah, Seigneur ti dunia kue, aga ndo ti batango terê ti mbi,
si mbi fa tënë ti akusala ti lo kue.+