Ésaïe

35 Benyama nga na ndo so ahule ngangu ayeke duti ande na ngia mingi;+

kpangbala ndo ti désert ayeke duti ande na ngia, nga apendere fleur ayeke sigi dä gbani gbani.+

 2 Nyen na nyen afleur ayeke sigi dä;+

ndo ni ayeke sara ngia nga ayeke dekongo na ngia.

A yeke zia gloire ti Liban na ndo ni,+

nga na pendere ti Carmel+ na ti Saron.+

 3 Azo, ala sara si amaboko so awoko awara ngangu,

nga ala kpengba agenou so ayeke dö dongo.+

Nzapa ti ala ayeke ga ande ti kiri na awato ti ala peko ti sioni so ala sara,

Nzapa ayeke ga ti punir awato ni.+

 5 Na ngoi ni so, lê ti awaziba ayeke zi,+

nga azo so mê ti ala akanga ayeke mä ndo.+

 6 Na ngoi ni so, azo so gere ti ala abuba ayeke huru tongana lekpa,+

nga azo so yanga ti ala akanga ayeke dekongo na ngia.+

Ngu ayeke sigi na ngangu na yâ ti benyama,

nga angu ayeke sua na yâ ti kpangbala ndo so ayeke na yâ ti désert.

 7 Sese so ndowa asara si ahule ngangu ayeke ga ande lando so asosongo asigi dä,

nga ndo so ngu ayeke dä pëpe ayeke si singo na ngu.+

Na ando so lani ambo ti ngonda ayeke wu terê ti ala dä,+

a yeke wara fini pere, asosongo nga na papyrus.

 8 Mbeni kota lege ayeke duti ande dä,+

kota lege so a iri ni Lege-so-ayeke-nzoni-kue.

 9 Bamara ayeke hon dä pëpe,

nga asioni nyama ti ngonda ayeke ga ti hon na ndö ni pëpe.

A yeke wara ala nga kâ pëpe;+

gï azo so a futa ye ti zi ala awe la ayeke tambela na ndö ni.+

Ala yeke dekongo na ngia nga terê ti ala ayeke nzere mingi;

vundu nga na dema ayeke hon yongoro.+