Ésaïe
11 Kete keke+ ayeke sigi na terê ti nduru keke ti Jessé,+
nga fini keke ayeke sigi+ na terê ti agunda ti keke ti lo, na a yeke lë.
2 Yingo ti Jéhovah ayeke duti na ndö ti lo.+
Yingo ni ayeke sara si lo duti zo ti ndara+ nga lo hinga nda ti ye.
Yingo ni ayeke sara si lo hinga ti mû wango nga lo yeke ngangu.+
Yingo ni ayeke sara si lo hinga ndo nga lo kpe mbeto ti Jéhovah.
3 Kpengo mbeto ti Jéhovah ayeke nzere ande na lo mingi.+
Lo yeke fâ ngbanga pëpe na lege ti ye so lê ti lo abâ,
nga lo yeke suku pëpe gï ndali ti tënë so lo mä mango.+
4 Lo yeke fâ ngbanga ti azo ti mawa na lege ni,*
lo yeke suku na azo ndali ti azo so abâ terê ti ala kete.
Lo yeke pika sese na tënë ti yanga ti lo so ayeke tongana keke ti pikango na zo.+
Lo yeke fâ azo ti sioni na lege ti pupu ti yanga* ti lo.+
5 Lo yeke kanga mbilimbili na ndö ti yâ ti lo tongana ceinture,
nga dutingo be-ta-zo ayeke tongana ceinture so lo kanga na gbe ti yâ ti lo.+
6 Mbo ti ngonda na molenge ti taba ayeke duti ndo oko teti mbeni ngoi,+
kete ngasa na zen ayeke lango ndo oko.
Kete bagara, bamara* nga na nyama so akono pendere ayeke duti ndo oko;*+
kete molenge ti koli la ayeke fa ande lege na ala.
7 Bagara na ours ayeke te ye ndo oko,
na amolenge ti ala ayeke lango ndo oko.
Bamara ayeke te asaleté ti peko ti alê ti kobe tongana koli-bagara.+
8 Molenge so angbâ ti nyon me ayeke sara ngia na yanga ti dû ti cobra,
na molenge so a zi lo na me awe ayeke yôro maboko ti lo na yanga ti dû ti sioni ngbo.
9 Ala yeke sara ye ti sioni pëpe,+
na ala yeke buba ye pëpe na ando kue so ayeke na ndö ti hoto ti mbi so ayeke nzoni-kue,+
ndali ti so hingango ye na ndö ti Jéhovah ayeke mû ndö ti sese kue
tongana ti so ngu-ingo asi singo na ngu.+
10 Na ngoi ni so, gunda ti Jessé+ ayeke luti ande na nduzu tongana mbeni yongoro keke so a kpo ni na nduzu si amara abâ ni.+
Amara ayeke bâ ndo ande na mbage ti lo ti tene lo fa lege na ala.*+
Ndo so lo yeke wu terê ti lo dä ayeke si singo na gloire.
11 Na ngoi ni so, ti fani use ni, Jéhovah ayeke yôro maboko ti lo ti mû tanga ti azo ti lo so angbâ na Assyrie,+ na Égypte,+ na Pathros,+ na Cush,+ na Élam,+ na Shinéar,* na Hamath nga na azoa* so ayeke na lê ti ngu-ingo.+ 12 Lo yeke kpo mbeni yongoro keke na nduzu si azo ti amara abâ ni nga lo bungbi ndo oko azo ti Israël so yâ ti ala akangbi.+ Lo yeke bungbi nga ndo oko azo ti Juda so yâ ti ala akangbi na andangoro osio ti sese.+
Éphraïm ayeke sara bê na terê ti Juda pëpe
na Juda ayeke ke Éphraïm pëpe.+
14 Ala yeke descend na mbage ti ouest na ndö ti* aPhilistin;
ala yeke bungbi ti gbu na ngangu aye ti azo ti akodro so ayeke na mbage ti est.
Ala yeke yôro maboko ti ala ti sara sioni na* azo ti Édom+ na ti Moab.+
Ala yeke komande na ndö ti azo ti Ammon.+
15 Jéhovah ayeke kangbi yâ ti mbage ti ngu-ingo* so alï na yâ ti sese ti Égypte,+
na lo yeke sara maboko ti lo na ndö ti Ngu ti Euphrate.+