OSÉE
1 Jéhovah asara tënë na Osée* molenge ti Beéri na ngoi ti agbia ti Juda+ tongana Ozias,+ Jotham,+ Achaz+ na Ézéchias,+ nga na ngoi so Jéroboam,+ molenge ti Joas,+ ayeke gbia ti Israël. 2 Na ngoi so Jéhovah akomanse ti sara tënë na azo ti lo na lege ti Osée, Jéhovah atene na Osée: “Gue, mo mû mbeni wali-ndumba* na mo dü amolenge ti ndumba,* ndali ti so na lege ti sarango ndumba,* kodro ni azia lege ti mungo peko ti Jéhovah.”+
3 Tongaso, lo gue lo sara mariage na Gomer molenge ti Diblaïm. Gomer amû ngo na lo dü molenge ti koli na Osée.
4 Jéhovah atene na lo: “Mo zia iri ti lo Jizréel,* ngbanga ti so na yâ ti kete ngoi, mbi yeke ga na terê ti ahale ti Jéhu+ ndali ti mênë so ala tuku na gbata ti Jizréel, na mbi yeke sara si gbia akomande na ndö ti azo ti Israël encore ape.+ 5 Na ngoi ni so, mbi yeke kungbi yâ ti kokora ti Israël na yâ ti Popo-hoto* ti Jizréel.”
6 Lo kiri lo mû ngo, na lo dü molenge ti wali. Nzapa atene na Osée: “Mo zia iri ti molenge ni Lo-Ruhamah,* ndali ti so mbi yeke sara nzoni bê encore ape+ na azo ti Israël, ngbanga ti so mbi yeke tomba ande ala.+ 7 Me mbi yeke sara nzoni bê na azo ti Juda,+ na mbi Jéhovah Nzapa ti ala,+ mbi yeke sö ala. Mbi yeke sö ala pëpe na lege ti kokora, na lege ti épée, na lege ti bira, na lege ti ambarata wala na lege ti azo ti kpengo na mbarata.”+
8 Na peko ti so lo zi Lo-Ruhamah na me awe, lo mû ngo na lo dü molenge ti koli. 9 Nzapa atene: “Mo zia iri ti lo Lo-Ammi,* ndali ti so ala yeke azo ti mbi pëpe nga mbi yeke duti Nzapa ti ala pëpe.
10 “Wungo ti azo* ti Israël ayeke duti tongana mbutu ti ngu-ingo so zo alingbi ti haka ni pëpe wala ti diko ni pëpe.+ Na ndo so a tene na ala, a tene: ‘Ala yeke azo ti mbi pëpe so,’+ a yeke tene ande na ala, a tene: ‘Ala yeke amolenge ti Nzapa so ayeke na fini.’+ 11 A yeke bungbi ande azo ti Juda nga na ti Israël kue ndo oko, na ala yeke duti beoko.+ Ala wani ayeke soro mbeni zo ti zia na ndö ti ala, na ala yeke sigi na yâ ti kodro ni ngbanga ti so a yeke duti mbeni kota lango ndali ti Jizréel.+
2 “Tene na aita ti mo ti koli, mo tene: ‘Ala yeke azo ti mbi!’*+
Tene na aita ti mo ti wali, mo tene: ‘Mo yeke wali so a sara nzoni bê na mo!’*+
2 Ala bi tënë na li ti mama ti ala; ala bi tënë na li ti lo,
ndali ti so lo yeke wali ti mbi pëpe+ nga mbi yeke koli ti lo pëpe.
A yeke nzoni lo zia lege ti sarango ye ti ndumba* ti lo
nga lo zia lege ti gingo akoli so lo yeke gi so.
3 Tongaso pëpe, mbi yeke zi bongo na terê ti lo, na terê ti lo ayeke ngbâ senge tongana ti so a dü na lo.
Mbi yeke sara si lo ga tongana benyama
nga tongana kodro so ngu ayeke dä pëpe,
na mbi yeke sara si nzara ti ngu afâ lo.
Lo so amû ngo ti ala asara ye ti kamene,+ ndali ti so lo tene:
‘Mbi yeke gue na peko ti andeko ti mbi,+
ala so ayeke mû na mbi mapa, ngu,
bongo so a sara na kuä ti terê ti taba, lin, mafuta nga na sämba.’
6 Mbi yeke kanga lege ti lo na gbagba ti asisi;
mbi yeke leke gbagba ti tênë na terê ti lo,
tongaso si lo lingbi ti wara lege pëpe.
7 Lo yeke kpe na peko ti andeko ti lo, me lo yeke wara ala pëpe.+
Lo yeke gi ala, me lo yeke wara ala pëpe.
Lo yeke tene ande, lo tene: ‘Mbi yeke kiri na kozo koli ti mbi,+
ndali ti so mbi duti lani nzoni mingi ahon ti fadeso.’+
8 Lo girisa so mbi la lani mbi mû na lo lê ti kobe,+ fini vin nga na mafuta,
na mbi la mbi mû na lo gbâ ti argent
na lor, so ala mû ni ala mû na Baal.+
9 ‘Ndani la, mbi yeke ga ande ti mû lê ti kobe ti mbi na ngoi ti kongo lê ti kobe,
nga na fini vin ti mbi na ngoi ti sarango vin.+
Mbi yeke gboto na terê ti lo bongo ti kuä ti terê ti taba nga na lin so lo yü ni ti honde na terê ti lo so.
10 Ti fadeso, mbi yeke fa terê ti lo senge na gigi na lê ti andeko ti lo ni,
na mbeni zo ayeke zi lo na maboko ti mbi pëpe.+
11 Mbi yeke sara si ngia ti lo kue, so ti tene
amatanga ti lo,+ afini nze ti lo, asabbat ti lo nga na angoi ti matanga ti lo kue, ahunzi.
12 Mbi yeke buba akeke ti vigne na akeke ti figue ti lo, so lo sara tënë ni, lo tene:
“So ayeke futa so andeko ti mbi amû na mbi la.”
Mbi yeke sara si aye so aga gbako,
na anyama ti ngonda ayeke te ni.
13 Mbi yeke hunda lo na ndö ti ye so lo sara na ngoi so lo mû asandaga na ayanda ti Baal,+
na ngoi so lo yü abague nga na aye ti baba, na lo yeke kpe na peko ti andeko ti lo.
Zo so lo girisa lo lani ayeke mbi,’+ tënë ti yanga ti Jéhovah la.
15 Ti londo na ngoi ni so, mbi yeke kiri na lo ayaka ti vigne ti lo,+
nga lo yeke hon na yâ ti Popo-hoto* ti Akor+ ti si na ndo so lo zia bê ti lo dä.
Kâ, lo yeke kiri tënë na mbi, tongana ti so lo sara na lâ ti maseka ti lo,
nga tongana ti so lo sara na ngoi so lo sigi lani na Égypte.+
16 Jéhovah atene: ‘Na ngoi ni so,
mo yeke iri ande mbi Koli ti mo, me mo yeke iri mbi pëpe Maître ti mo.’*
17 ‘Mbi yeke zi iri ti astatue ti Baal na yanga ti lo,+
na azo ayeke dabe ti ala na iri ti astatue ni encore ape.+
18 Na ngoi ni so, mbi yeke te mbele na anyama ti ngonda ndali ti ala.+
Mbi yeke te nga mbele na andeke ti nduzu nga na anyama so ayeke hara na sese.+
Mbi yeke zi kokora, épée nga na bira na yâ ti kodro ni,+
19 Mbi yeke mû mo si mo ga wali ti mbi biani biani;
mbi yeke mû mo na lege ti mbilimbili,
ti tâ ndoye nga na nzoni bê.+
20 Mbi yeke mû mo ti ga wali ti mbi, na mbi yeke ngbâ be-ta-zo na mo.
Mbi, Jéhovah, mo yeke hinga mbi ande nzoni.’+
21 Jéhovah atene: ‘Na lango ni so, mbi yeke kiri tënë na mo.
Mbi yeke mû na yayu ye so lo ye,
nga yayu ayeke mû na sese ye so lo ye.+
22 Sese ayeke mû na alê ti kobe, fini vin nga na mafuta ye so ala ye,
23 Mbi yeke lu lo na sese tongana lê ti kobe ti mbi.+
Mbi yeke sara nzoni bê na lo so a sara nzoni bê na lo pëpe so.*
Mbi yeke tene na azo so ayeke azo ti mbi pëpe,* mbi tene: “Ala yeke azo ti mbi.”+
Nga ala yeke tene na mbi: “Mo yeke Nzapa ti e.”’”+
3 Jéhovah atene na mbi: “Kiri mo ye wali ti mo so mbeni koli nde aye lo so, nga so ayeke gi ambeni koli nde.+ Mo ye lo tongana ti so Jéhovah aye azo ti Israël,+ atâa so ala gue na mbage ti ambeni nzapa nde+ nga ala ye araisin so a pete ni boule boule.”*
2 Mbi vo lo lani ndali ti mbi wani na alê ti nginza ti argent 15 nga homer* ti orge oko na ndambo. 3 Mbi tene na lo: “Mo yeke ngbâ na mbi aninga. Mo sara ndumba* pëpe na mo gi mbeni koli nde pëpe, na mbi yeke sara tongaso na mbage ti mo.”*
4 A yeke duti ande tongaso aninga* ndali ti so azo ti Israël ayeke duti ande na gbia+ wala mokonzi pëpe, mungo sandaga ayeke duti dä pëpe, pilier ayeke duti dä pëpe, éphod+ nga na astatue ti téraphim*+ ayeke duti dä pëpe. 5 Na pekoni azo ti Israël ayeke kiri ti gi Jéhovah Nzapa ti ala+ nga na gbia ti ala David.+ Na lâ ti nda ni, na dongo terê, ala yeke ga na mbage ti Jéhovah ti tene lo sara nzoni na ala.+
4 Azo ti Israël, ala mä tënë so Jéhovah atene;
lo yeke na tënë na azo ti kodro ni,+
ndali ti so na yâ ti kodro ni, tâ tënë nga na tâ ndoye ayeke dä pëpe, nga azo ni ahinga Nzapa pëpe.+
2 Dengo bä ti mvene, tenengo mvene,+ fango zo,+
nzi nga na gingo koli wala wali nde+ amû ndo.
A yeke tuku mênë ti azo na peko ti terê.+
3 Ndani la si kodro ni ayeke sara ande vundu+
nga azo ti yâ ti kodro ni kue ayeke nge ngengo.
Anyama ti ngonda, andeke ti nduzu
na même asusu ti ngu-ingo ayeke kui.
4 “Me zia mbeni zo atiri na mba ti lo wala asuku na mba ti lo pëpe,+
ndali ti so azo ti mo ayeke tongana azo so atiri na prêtre.+
5 Ni la mo yeke pika gere ti mo na kota lâ,
mo na prophète ayeke pika gere ti ala, mo bâ mo tene ndo avuko.
Nga mbi yeke sara si mama ti mo aduti kpô.*
6 Azo ti mbi ayeke duti kpô,* ngbanga ti so hingango ye ayeke dä pëpe.
So mo ke hingango ye awe so,+
mbi yeke ke mo si mo duti prêtre ti mbi encore ape.
So mo girisa ndia* ti Nzapa ti mo awe so,+
mbi nga kue mbi yeke sara sanka ti amolenge ti mo.
7 Tongana ala yeke ga mingi, ala kiri asara siokpari mingi.+
Mbi yeke sara si gloire ti ala aga kamene.*
8 Siokpari ti azo ti mbi asara si ala wara go,
nga ala yeke ku kungo* ti tene azo asara faute.
9 Oko ye so ayeke wara prêtre ayeke wara nga azo ni.
Mbi yeke hunda ala ti kiri tënë ndali ti aye so ala sara,
nga mbi yeke sara si aye ti peko ti aye so ala sara akiri na ndö ti ala.+
10 Ala yeke te ye, me yâ ti ala ayeke si pëpe.+
Ala yeke gi akoli wala awali nde nde,* me ala yeke dü amolenge pëpe,+
ndali ti so ala sara sanka ti Jéhovah.
11 Kua ti ndumba,* vin nga na fini vin
asara si zo ayeke na nzara ti sara ye na lege ni encore ape.*+
12 Azo ti mbi ahunda tënë na ayanda ti ala so a sara ni na keke,
ala sara ye so keke* ti ala ni atene na ala,
ndali ti so bibe ti sarango ndumba* asara si ala hon yongoro,
nga ndumba* ti ala asara si ala ke ti mä yanga ti Nzapa ti ala.
13 Ala yeke mû asandaga na li ti ahoto,+
nga na ndö ti akete hoto ala yeke mû asandaga so a zö na wâ.
Ala yeke mû asandaga na gbe ti akeke ti chêne, akeke ti styrax nga na akota keke kue,+
ndali ti so gbe ti dê ti akeke ni ayeke nzoni.
Ndani la si amolenge ti mo ti wali asara ndumba.*
Akogara ti mo ti wali agi ambeni koli nde.
14 Mbi yeke punir amolenge ti mo ti wali pëpe ndali ti ndumba* so ala sara so,
nga mbi yeke punir akogara ti mo ti wali pëpe ndali ti so ala gi ambeni koli nde.
Akoli ague na peko ti awali-ndumba
nga ala na awali-ndumba ti temple amû sandaga.
Mara ti azo tongaso, so ahinga ndo pëpe so,+ ayeke gue na futingo.
Mo gue na Guilgal+ wala na Beth-Aven pëpe,+
nga mo deba terê ti mo pëpe, mo tene: ‘Ti tâ tënë ni, so Jéhovah ayeke na fini!’+
16 Li ti Israël akpengba tongana ti bagara.+
Ti fadeso, eskê Jéhovah ayeke fa lege na ala tongana ti so a yeke fa lege na kete koli-taba na kota ndo ti tengo pere?*
17 Éphraïm abungbi oko na ayanda.+
Zia lo kpô!
Azo so akomande lo* aye mingi ye so abi nengo ti zo na sese.+
19 Pupu ayeke mû ande lo ti hon na lo,
nga kamene ayeke sara ala ndali ti asandaga ti ala ni.”
5 “Ala aprêtre, ala mä tënë so,+
azo ti Israël, ala dengi mê,
nga ala azo ti da ti gbia, ala mä tënë so,
ndali ti so tënë ti ngbanga so abâ ala.
Ala ga mbeni kûkû ti gbungo Mizpah
nga gbanda so a bi na ndö ti Tabor.+
3 Mbi hinga Éphraïm,
nga Israël ahonde terê ti lo na lê ti mbi pëpe.
4 Sarango ye ti ala amû lege na ala pëpe ti kiri na Nzapa ti ala,
ndali ti so kota nzara ti sarango ndumba* ayeke na popo ti ala;+
ala bâ Jéhovah na nene ni pëpe.
5 Pikango kate ti Israël afa sioni ti lo na gigi;*+
Israël na Éphraïm use kue apika gere ti ala na faute so ala sara.
Juda nga kue apika gere ti lo legeoko na ala.+
6 Ala mû ataba nga na abagara ti ala, ala gue ti gi Jéhovah,
me ala wara lo pëpe.
Lo hon yongoro na ala awe.+
7 Ala handa Jéhovah,+
ndali ti so ala dü amolenge na awali so ayeke awande.
Fadeso, na yâ ti nze oko, a yeke futi ala na aye* ti ala kue.
8 Azo, ala hûru didi+ na Guibéah, ala hûru trompette na Ramah!+
Ala dekongo ti bira na Beth-Aven!+ Benjamin, e yeke mû peko ti mo!
9 Éphraïm, mo yeke ga ande mbeni ye so amû mbeto na zo mingi na ngoi so a yeke punir azo.+
Mbi sara si a hinga ye so ayeke si ande biani na popo ti amara ti Israël.
10 Amokonzi ti Juda ayeke tongana azo so ayeke pusu katikati ti kodro na peko.+
Mbi yeke tuku ngonzo ti mbi na ndö ti ala tongana ngu.
11 A sara pasi na Éphraïm, nga ngbanga atï na ndö ti lo na aneka lo,
ndali ti so lo ye gï ti mû peko ti wato ti lo.+
12 Ni la mbi yeke lani tongana mbeni makongo ti tengo bongo na terê ti Éphraïm,
nga mbi yeke tongana mbeni fungo ye na terê ti ahale ti Juda.
13 Na ngoi so Éphraïm abâ kobela ti lo, na Juda abâ kota kä ti lo,
Éphraïm ague na Assyrie,+ na lo tokua ndo na kota gbia.
Me gbia ni alingbi ti sava ala pëpe,
nga lo lingbi ti soigné kä ti ala pëpe.
14 Mbi yeke ga tongana mbeni bamara so akono awe na terê ti Éphraïm,
nga tongana ngangu bamara* na terê ti ahale ti Juda.
Mbi yeke suru yâ ti ala ande kete kete, na pekoni mbi yeke hon.+
Na hongo ti mbi, mbi yeke hon na ala, na mbeni zo ti zi ala ayeke dä pëpe.+
15 Mbi yeke hon ande ti kiri na ndo ti mbi juska ala wara ye ti peko ti sioni so ala sara.
Na ngoi so ala yeke na yâ ti vundu, ala yeke gi mbi.”+
Atâa so lo pika e, lo yeke kanga akä ti e.
2 Na peko ti lango use, lo yeke kiri na e na fini.
Na ota lango ni, lo yeke yô e na nduzu,
na e yeke duti na fini na gbele lo.
3 E yeke hinga Jéhovah, e yeke sara kue ti gi ti hinga lo.
Tongana lumière ti lâ so ayeke sigi na ndapre, nyen na nyen lo yeke ga.
Lo yeke ga na mbage ti e tongana kota ngu so apika ngangu,
tongana tanga ti ngu-nzapa so apika na amouillé sese.”
4 “Éphraïm, a yeke nzoni mbi sara nyen na mo?
Juda, a yeke nzoni mbi sara nyen na mo?
Tâ ndoye ti ala ayeke tongana ambinda ti ndapre,
nga tongana ngu ti pere so ayeke hule hio.
5 Ndani la, na lege ti aprophète, mbi yeke fâ yâ ti ala kete kete;+
mbi yeke fâ ala na lege ti tënë ti yanga ti mbi.+
Angbanga so mbi fâ na ndö ti ala ayeke duti ande polele tongana lumière so aza.+
6 Ye so amû ngia na mbi ayeke tâ ndoye,* me pëpe asandaga,
nga mbi yeke na ngia tongana zo ahinga mbi Nzapa, ahon ti yâa asandaga so a zö ni agbi kue.+
7 Me ala so asara ye tongana asenge zo abuba yâ ti mbele.+
Ala handa mbi.
9 Groupe ti aprêtre ayeke tongana groupe ti azo so ayeke gbu ka aye ti azo na ngangu, so ayeke honde terê ti ala ti ku hongo ti mbeni zo.
Ala fâ zo na ndö ti lege so ague na Sichem,+
ndali ti so sarango ye ti ala ayeke ye ti kamene.
10 Mbi bâ mbeni ye so ayeke sioni mingi na yâ ti da ti azo ti Israël.
11 Me ti mo Juda, mbi yeke bungbi azo ti mo tongana ti so a yeke bungbi alê ti kobe;
mbi yeke kiri ti bungbi azo ti mbi so a gue na ala na ngbâa.”+
7 “Na ngoi so mbi ye ti sava Israël,
faute ti Éphraïm nga kue asigi na gigi,+
na sioni ti Samarie nga kue asigi,+
ngbanga ti so ala sara ye na handa.+
Azo ti nzi alï na yâ ti ada na ngangu, nga na gigi, azo so ayeke gbu ka aye ti azo na ngangu ayeke nzi ye.+
2 Me ala tene pëpe na yâ ti bê ti ala so mbi yeke dabe ti mbi na aye ti sioni kue so ala sara.+
Fadeso, asioni ye so ala sara akiri na ndö ti ala.
Mbi bâ aye kue so ala sara.
3 Ala sara si terê ti gbia anzere na lege ti sioni ti ala,
nga terê ti amokonzi anzere na lege ti aye ti handa so ala sara.
4 Ala kue agi koli wala wali nde.
Ala chauffé tongana four so zo ti zongo mapa azia wâ dä,
na lo hûru wâ dä pëpe juska farine so lo më ni asuku si.
5 Na lango ti matanga ti gbia ti e, akota zo ti kodro atï kobela.
Ngonzo asara ala ngangu ndali ti so ala nyon vin.+
Gbia ayôro maboko na azo ti hengo ndo ti lë songo na ala.
6 Ala yeke ga, bê ti ala amû wâ tongana four.*
Zo ti zongo mapa ni alango na bï ni kue;
na ndapre, four ni aza tongana wâ so ayeke gbi.
7 Ala kue amû wâ tongana four,
na ala futi azo so akomande ala.*
8 Éphraïm abungbi oko na amara.+
Éphraïm ayeke tongana gâteau so ayeke ronde ronde so a tourné ni pëpe na ngoi so a yeke zö ni.
9 Awande ahunzi ngangu ti lo kue,+ me lo hinga pëpe.
Kuä ti li ti lo so avuru kete akiri avuru kue, me lo hinga ye oko dä pëpe.
10 Pikango kate ti Israël afa sioni ti lo na gigi,+
me azo ni akiri na Jéhovah Nzapa ti ala pëpe,+
nga, atâa aye so kue, ala gi lo pëpe.
11 Éphraïm ayeke tongana kolokoto so lê ti lo ahan pëpe nga so ahinga ndo pëpe.*+
Azo ni adekongo ti iri Égypte;+ ala gue na Assyrie.+
12 Atâa ala gue na ndo wa, mbi yeke bi gbanda ti mbi na ndö ti ala.
Mbi yeke descend na ala tongana andeke ti nduzu.
Mbi yeke punir ala alingbi na tënë so mbi tene na bungbi ti ala ti gboto mê ti ala.+
13 Mawa na ala, ndali ti so ala kpe mbi!
Futingo ayeke tï na ndö ti ala, ndali ti so ala ke ndia ti mbi!
Mbi ga lani nduru ti zi ala, me ala tene mvene na iri ti mbi.+
14 Na yâ ti bê ti ala, ala toto na mbi ti mû maboko na ala pëpe,+
atâa so ala ngbâ ti dema terê ti ala na ndö ti gbogbo ti ala.
Ala suru terê ti ala wani na kä ndali ti lê ti kobe nga na fini vin ti ala.
Ala tourné ala sara kpengba-li na mbi.
15 Atâa so mbi fa lege na ala nga mbi sara si maboko ti ala awara ngangu,
ala fa so ala ke mbi ndali ti so ala leke ti sara ye ti sioni.
16 Ala mû mbeni lege nde, me lege ni ague na ala pëpe ti wara mbeni ye so ayeke nzoni mingi.*
Ala ga tongana kokora so kamba ni awoko awe.+
A yeke fâ ande amokonzi ti ala na épée ndali ti sioni yanga ti ala.
Ni la ala yeke ga mbeni ye so azo ayeke he ni hengo na kodro ti Égypte.”+
8 “Mo zia didi na yanga ti mo, si mo hûru ni!+
Mbeni zo ayeke ga na ndö ti azo ti Jéhovah tongana aigle,+
ndali ti so ala buba yâ ti mbele ti mbi,+ na ala sara ye alingbi na ndia ti mbi pëpe.+
2 Ala dekongo na mbi, ala tene: ‘Nzapa ti e, e azo ti Israël, e hinga mo!’+
3 Israël ake ye so ayeke nzoni awe.+
Zia wato atomba lo.
4 Ala zia agbia ti komande, me mbi la mbi mû yanga na ala pëpe.
Ala zia amokonzi ti komande, me mbi hinga amokonzi ni so pëpe.
5 Samarie, mbi ke statue ti molenge ti bagara ti mo.+
Ngonzo ti mbi alondo na terê ti azo ni.+
Juska lawa la si tënë ayeke duti ande na li ti ala ape?*
6 Israël la asara ni.
Zo so ahinga ti sara kua ti maboko la asara ni, me a yeke Nzapa pëpe;
a yeke fâ ande yâ ti statue ti molenge ti bagara ti Samarie kete kete.
Lê ti kobe so asigi na terê ti keke ni abe pëpe.*+
Atâa a sigi a sara fleur, a lingbi pëpe ti ko ni ti neka ni si a ga farine.
Même tongana a wara farine ni, awande* la ayeke su ni kue.+
8 A yeke mene ande Israël.+
Ala yeke duti na popo ti amara,+
tongana sembe so zo aye ni pëpe.
9 Ala gue na Assyrie,+ tongana kororo ti ngonda so lo yeke gï lo oko.
Éphraïm afuta andeko.+
10 Atâa so ala vo andeko ni na popo ti amara,
mbi yeke bungbi ala kue fadeso.
Ala yeke komanse ti bâ pasi+ ndali ti nengo kungba so gbia na amokonzi azia na li ti ala.
11 Éphraïm asara agbalaka gbani gbani so apusu lo ti sara siokpari.+
Agbalaka ni aga agbalaka ti lo ti sarango na siokpari.+
12 Mbi sû ndali ti lo gbâ ti atënë so ayeke na yâ ti ndia* ti mbi,
me azo ni abâ ni tongana mbeni ye so ala hinga ni lâ oko pëpe.+
13 Ala mû na mbi asandaga ti nyama tongana matabisi, na ala te nyama ni.
Me asandaga ni so azia ngia na bê ti Jéhovah pëpe.+
Fadeso lo yeke dabe ti lo na faute ti ala, na lo yeke punir ala ndali ti asiokpari ti ala.+
Ala kiri ala mû lege ti gue* na Égypte.+
14 Israël agirisa Zo so asara lo awe,+ na lo sara atemple.+
Juda asara gbâ ti agbata so ayeke na yâ ti angangu gbagba.+
Me mbi yeke tokua wâ na yâ ti agbata ti lo,
na wâ ni ayeke gbi ande atour ti zo oko oko kue.”+
9 “Israël, duti na ngia pëpe,+
nga mo sara ngia pëpe tongana ti tanga ti azo nde nde kue,
ndali ti so na lege ti ndumba* so mo sara, mo hon yongoro na Nzapa ti mo.+
Mo ye futa ti wali-ndumba na ando nde nde kue ti pikango lê ti kobe.+
2 Me ndo ti pikango lê ti kobe nga na ndo ti sarango vin ayeke mû ande kobe na mo pëpe,
na mo yeke wara fini vin pëpe.+
3 Ala yeke ngbâ ande pëpe ti lango na yâ ti kodro ti Jéhovah.+
Éphraïm ayeke kiri ande na Égypte,
nga, na yâ ti kodro ti Assyrie, ala yeke te ye so aga sioni awe.+
4 Ala yeke tuku vin ti mû na sandaga na Jéhovah encore ape;+
asandaga ti ala ayeke nzere na lo pëpe.+
Asandaga ni ayeke tongana mapa ti ngoi ti vundu.
Azo kue so ate ni, a yeke sara si ala ga sioni.
Mapa ni ayeke gï ndali ti ala wani;*
a yeke lï ande na ni na yâ ti da ti Jéhovah pëpe.
5 Nyen la ala yeke sara ande na lango ti bungbi,*
na lango ti matanga ti Jéhovah?
6 Ala yeke kpe ndali ti futingo.+
Égypte ayeke bungbi ala ndo oko,+ na Memphis ayeke lu akuâ ti ala.+
Akeke ti sisi ayeke mû ndo na terê ti anzoni ye ti ala so a sara na argent,
na akete keke ti sisi ayeke mû ndo na yâ ti atente ti ala.
7 Lango so a yeke iri zo ti kiri tënë ndali ti ye so lo sara ayeke si ande.+
Lango so a yeke punir zo ayeke ga.
Israël ayeke hinga ni.
Prophète ti ala ayeke ga ande zo ti buba, na zo so yingo ti Nzapa ayeke fa ye na lo ayeke sara ye tongana zo so ye asara li ti lo.
So afaute ti mo ayeke gbani gbani, bê ti azo mingi la ayeke son na terê ti mo.”
8 Sinziri+ ti Éphraïm ayeke lani na Nzapa ti mbi.+
Me fadeso, alege kue ti aprophète ti lo+ ayeke tongana agbanda ti zo ti gbungo andeke.
Bê ti azo so ayeke na yâ ti da ti Nzapa ti lo ason.
9 Sarango ye ti ala abuba mingi, tongana ti azo ti gbata ti Guibéah+ ândö.
Lo yeke dabe ti lo na afaute ti ala, na lo yeke punir ala ndali ti asiokpari ti ala.+
10 “Na ngoi so mbi wara Israël lani,+ lo yeke tongana alê ti vigne na yâ ti benyama.
Na ngoi so mbi bâ akotara ti ala lani, ala yeke tongana akozo lê ti figue so asigi na terê ti keke ti figue.
Me ala gue na peko ti Baal ti Péor;+
ala mû terê ti ala na ye ti kamene,*+
na ala ga tongana mbeni fungo ye, legeoko tongana ye so ala ye ni mingi so.
11 Gloire ti Éphraïm ahuru ahon tongana ndeke;
dungo molenge ayeke dä pëpe, zo oko ayeke na ngo pëpe nga mungo ngo ayeke dä pëpe.+
12 Même tongana ala bata amolenge,
mbi yeke sara si amolenge ni akui juska zo oko angbâ pëpe.+
Mawa na ala na ngoi so mbi tourné peko na ala!+
13 Na lê ti mbi, Éphraïm, so a lu lo na ndo ti tengo pere ti anyama, ayeke lani tongana Tyr.+
Me fadeso, a lingbi Éphraïm asigi na amolenge ti lo si a gue na ala a fâ ala.”
14 Jéhovah, mû na ala ye so mo doit ti mû na ala:
Sara si ala mû ngo, me ngo ni atuku tukungo, nga sara si ngu ti me ti ala ayeke dä pëpe.*
15 “Aye ti sioni kue so ala sara, ala sara na Guilgal,+ ndali ti so a yeke kâ la si mbi ke ala.
Mbi yeke tomba ala na da ti mbi ngbanga ti sioni sarango ye ti ala.+
Mbi yeke ye ala encore ape;+
amokonzi ti ala kue ayeke azo ti kpengba-li.
16 A yeke futi ande Éphraïm.+
Gunda ti azo ni ayeke hule tongana ti keke, na ala yeke lë pëpe.
Même tongana ala dü, mbi yeke fâ amolenge ni so ala ye ala mingi so.”
17 Nzapa ti mbi ayeke ke ala,
ndali ti so ala mä yanga ti lo pëpe.+
Ala yeke ga azo so afono gï na nduzu na popo ti amara.+
10 “Israël ayeke tongana vigne ti ngonda* so alë.+
Tongana lengo ti lo asigi mingi, lo kiri lo sara agbalaka mingi.+
Tongana yaka ti lo alë nzoni, lo kiri lo sara si ayanda ti tênë ti lo aga pendere.+
Mbeni zo ayeke kungbi agbalaka ti ala nga lo yeke futi ayanda ti ala.
3 Fadeso, ala yeke tene: ‘E yeke na gbia pëpe,+ ndali ti so e kpe mbeto ti Jéhovah pëpe.
Ka nyen la gbia alingbi ti sara ndali ti e?’
4 Ala sara asenge tënë, ala deba yanga na ndö ti mvene,+ na ala te ambele.
Ni la ngbanga so a fâ ayeke tongana pere ti fango zo so asigi na yâ ti adû so a suru ni na charrue.+
5 Azo ti Samarie ayeke gi bê ti ala ndali ti statue ti kete bagara ti lor so ayeke na Beth-Aven.+
Ala yeke sara vundu ndali ti statue ni.
Aprêtre ti lo so ayeke ti mbeni nzapa nde si ayeke sara ngia ndali ti statue ni nga na gloire ti statue ni ayeke sara nga vundu,
ndali ti so a yeke mû ni na terê ti ala ti gue na ni na kodro-wande.
6 A yeke gue na ni na Assyrie tongana matabisi na kota gbia.+
A yeke zia kamene ande na lê ti Éphraïm.
Kamene ayeke sara Israël ndali ti wango so lo mû peko ni so.+
8 A yeke futi ande+ siokpari ti Israël,+ so ti tene ando so ayeke na nduzu na Beth-Aven.+
Asisi ayeke kono ti mû ndö ti agbalaka ti ala.+
Azo ayeke tene ande na ahoto: ‘Ala honde e!’
Ala yeke tene na akete hoto: ‘Ala tï na ndö ti e!’+
9 Israël, ngbene ye na ngoi ti ye so asi na yâ ti gbata ti Guibéah, azo ti mo asara siokpari.+
Ala ngbâ gï ti sara siokpari.
Azo ti Guibéah so ayeke azo ti sioni, bira ahunzi ala pëpe.*
10 Nga, mbi yeke punir ala na ngoi so bê ti mbi aye.
Azo ayeke bungbi ande ti tiri na ala
na ngoi so a yeke kanga na ndö ti ala afaute use so ala sara.*
11 Éphraïm ayeke kete wali-bagara so a fa ye na lo, so lo ye ti pika alê ti kobe.
Ni la mbi kanga joug pëpe na ndö ti pendere go ti lo.
Fadeso, mbi yeke sara si mbeni zo amonté na ndö ti* Éphraïm ti gue na lo ti fâ yaka.+
Juda ayeke dë yaka; Jacob ayeke sara kua na charrue ndali ti lo.
12 Ala lu lê ti kobe ndali ti ala wani na lege ti mbilimbili, nga ala ko tâ ndoye.
Ala fâ yaka na ndö ti nzoni sese,+
tongana ngoi angbâ ti tene zo agi Jéhovah,+
juska lo ga lo fa na ala lege ti sara ye mbilimbili.+
13 Me ala lu ye ti sioni,
na ala ko ye so ayeke mbilimbili pëpe.+
Ala handa azo, na ala ko lengo ti aye ti peko ni;
ala zia bê ti ala na ndö ti lege ti ala wani
nga na gbâ ti angangu turugu ti ala.
14 Azo ayeke ga na kota wusuwusu na terê ti azo ti mo,
na a yeke futi agbata ti mo kue so ayeke na yâ ti angangu gbagba.+
A yeke duti ande tongana futingo so Shalman aga na ni na ndö ti azo ti kodro ti Arbel,
na ngoi ti bira so a fâ yâ ti amama kete kete na terê ti amolenge ti ala.
15 Ye so a yeke sara na mo la, Béthel,+ ndali ti so sioni ti mo ahon ndö ni.
Na kota ndapre, nyen na nyen a yeke futi* gbia ti Israël.”+
11 “Na ngoi so Israël ayeke lani kete molenge ti koli, mbi ye lo mingi;+
mbi iri molenge ti mbi ti sigi na Égypte.+
3 A yeke mbi la mbi fa tambela na Éphraïm,+ mbi gbu ala na yâ ti maboko ti mbi;+
ala girisa so mbi la mbi sava ala lani.
4 Mbi mû akamba so azo aleke* si mbi gboto na ala, akamba ti ndoye.+
Mbi ga tongana zo so azi joug so ayeke na go ti ala.
Na nzoni bê, mbi ga na kobe na zo oko oko.
5 Ala yeke kiri na kodro ti Égypte pëpe, me Assyrie ayeke duti ande gbia ti ala,+
ngbanga ti so ala ke ti kiri na mbi.+
6 Épée ayeke tourné na loro na terê ti agbata ti Éphraïm,+
ayeke futi abarre ti yanga ti gbagba ni nga ayeke futi azo ni ndali ti aye so ala mä terê ti sara.+
7 Azo ti mbi aye gï ti sara ye so mbi ke.+
Atâa so a iri ala ti londo ti gue na mbage ti zo so ayeke na nduzu mingi,* zo oko alondo pëpe.
8 Éphraïm, mbi peut ti zia mo tongana nyen?+
Israël, mbi zia mo na maboko ti azo tongana nyen?
Mbi sara ye na mo tongana ti so mbi sara na Admah tongana nyen?
Mbi peut ti sara si mo ga tongana Zéboïm?+
Mbi changé bê ti mbi na mbage ti mo awe.
Na oko ngoi ni, mawa ti mo asara mbi mingi.+
9 Mbi yeke fa kota ngonzo ti mbi na gigi pëpe.
Mbi yeke futi Éphraïm encore ape,+
ndali ti so mbi yeke Nzapa, me zo pëpe.
Nzapa so ayeke nzoni-kue so ayeke na popo ti ala;
mbi yeke ga na kota ngonzo na terê ti ala pëpe.
10 Ala yeke tambela na peko ti Jéhovah, na lo yeke dekongo tongana bamara.+
Tongana lo dekongo, amolenge ti lo ayeke londo na mbage ti ouest ti ga, na terê ti ala ayeke dö.+
11 Na ngoi so ala sigi na Égypte, terê ti ala ayeke dö tongana ndeke.
Na ngoi so ala sigi na kodro ti Assyrie,+ terê ti ala ayeke dö tongana kolokoto;
mbi yeke sara si ala lango na yâ ti da ti ala,” tënë ti yanga ti Jéhovah la.+
12 “Éphraïm angoro mbi na atënë ti mvene,
nga azo ti Israël angoro mbi na atënë ti handango zo.+
12 “Éphraïm anyon pupu.
Lo mû peko ti pupu ti est na yâ ti lango ni kue.
Lo sara si mvene na sarango ye ti ngangu ahon ndö ni.
Lo te mbele na Assyrie,+ na ala gue na mafuta na Égypte.+
2 Jéhovah ayeke na tënë na Juda;+
lo yeke hunda Jacob ti kiri tënë ndali ti asarango ye ti lo.
Lo yeke futa lo alingbi na aye so lo sara.+
3 Lo gbu talon ti ita ti lo ti koli na ngoi so ala ngbâ na yâ ti mama ti ala;+
na lo mû ngangu ti lo kue, lo tiri na Nzapa.+
4 Lo tiri na ange ngbii, na lo sö benda.
Lo toto, na lo voro yanga na lo ti sara nzoni bê na lo.”+
nga ngbâ lakue ti ku Nzapa ti mo.
7 Kilo ti mvene ayeke na maboko ti zo ti kango ye;*
lo ye sarango ye ti likisi.+
Na yâ ti angangu kua kue so mbi sara, a yeke wara mbeni sioni ye wala mbeni siokpari dä pëpe.’
9 Ngbene ye na kodro ti Égypte, mbi yeke Jéhovah Nzapa ti mo.+
Mbi yeke sara si mo kiri mo lango na yâ ti atente,
tongana ti ngoi so a leke ti tene azo awara terê.*
10 Mbi sara tënë na aprophète,+
mbi sara si ala kiri abâ gbâ ti aye so ayeke tongana abango li,
nga mbi tene atoli na lege ti aprophète.
11 Handango zo* nga na mvene amû yâ ti Galaad.+
Na Guilgal, azo ayeke mû akoli-bagara na sandaga,+
nga agbalaka ti ala ayeke tongana gbâ ti afango da na yâ ti adû so a suru ni na charrue.+
12 Jacob akpe ague na kodro* ti Aram;*+
Israël+ asara kua ndali ti wali,+
nga ndali ti wali, lo bata ataba.+
14 Éphraïm ason bê ti Nzapa ngangu.+
Ngbanga ti mênë so lo tuku angbâ na li ti lo.
Seigneur ti lo ayeke futa lo ande ndali ti zonga so lo ga na ni na ndö ti lo.”+
13 “Na ngoi so Éphraïm asara tënë, terê ti azo adö;
lo yeke lani kota zo na Israël.+
Me vorongo Baal+ asara si tënë ayeke na li ti lo, na lo kui.
2 Ti fadeso, azo ni akiri asara siokpari ahon ndö ni;
ala mû argent+ ti ala, ala sara na astatue ti wen.*
Ala sara ayanda na kode, ni kue ayeke ye so zo so ahinga ti sara kua ti maboko nzoni si asara ni.
Ala tene na ayanda, ala tene: ‘Zia azo so amû sandaga asu ngbangba ti akete bagara ni.’+
3 Ala yeke ga tongana ambinda ti ndapre,
tongana ngu ti pere so ahule hio,
tongana poro ti terê ti lê ti kobe so pupu ahon na ni
nga tongana guru so asigi na yâ ti dû so ayeke na li ti da.
4 Me ngbene ye na kodro ti Égypte,+ mbi yeke Jéhovah Nzapa ti ala.
Ala hinga mbeni Nzapa nde pëpe, gï mbi oko;
nde na mbi, mbeni sauveur ayeke dä pëpe.+
5 Mbi hinga ala lani na yâ ti benyama,+ na ndo so ahule.
6 Ala wara gbâ ti kobe na ndo so mbi gue na ala dä, na yâ ti ala asi;+
yâ ti ala asi, na ala komanse ti sara baba,
na tongaso ala girisa mbi.+
7 Mbi yeke ga tongana bamara so akono awe na terê ti ala,+
nga mbi yeke ga tongana zen so alango na terê ti lege.
8 Mbi yeke ga na ndö ti ala tongana ours so agirisa amolenge ti lo,
na mbi yeke suru yâ ti kate ti ala.*
Kâ, mbi yeke te ala tongana bamara.
Nyama ti ngonda ayeke suru yâ ti ala kete kete.
9 A yeke futi mo, Israël,
ndali ti so mo ke mbi awe, mo ke zo so ayeke mû maboko na mo.
10 Tongaso gbia ti mo ni ayeke na ndo wa? si lo sö mo na yâ ti agbata ti mo kue pëpe so.+
Azo ti mo so ayeke komande,* so mo sara tënë ti ala lani, mo tene:
‘Mû na mbi gbia nga na amokonzi’, ala yeke na ndo wa?+
12 A girisa na ndö ti faute ti Éphraïm pëpe, me a bata ni;
a bata siokpari ti lo na mbeni ndo.
13 Yâ ti mama ti lo ayeke son ande na ngoi so lo ye ti dü lo.
Me lo yeke molenge ti ndara pëpe;
na ngoi so a ye ti dü lo, lo sigi pëpe.
Kuâ, akî ti mo so mo yeke kpo na zo ayeke na ndo wa?+
Dû ti kuâ, ngangu ti mo ti futingo ye ni ayeke na ndo wa?+
Mbi yeke bâ ande mawa ti mo pëpe.
15 Même tongana lo dü gbani na popo ti asosongo,
mbeni pupu so alondo na mbage ti est, pupu ti Jéhovah, ayeke ga.
Pupu ni ayeke londo na désert si aga; a yeke sara si dû ti ngu nga na li ti ngu ti lo ahule.
Mbeni zo ayeke nzi aye ti lo kue ti nginza mingi so ayeke na ndo so a bata amosoro dä.+
16 A yeke tene so tënë ayeke na li ti Samarie,+ ndali ti so lo sara kpengba-li na Nzapa.+
A yeke fâ ande azo ni na épée.+
A yeke fâ yâ ti amolenge ti ala kete kete,
na a yeke suru yâ ti awali ti kodro ni so ayeke na ngo.”
14 “Israël, kiri na mbage ti Jéhovah Nzapa ti mo,+
ndali ti so faute so mo sara asara si mo pika gere ti mo.
2 Kiri na mbage ti Jéhovah, na mo tene na lo,
mo tene: ‘E ye si mo pardonné faute ti e,+ na mo yeda na aye ti nzoni so e ga na ni.
E yeke mû na mo sandaga ti gonda ti yanga ti e,+ tongana ti so e yeke mû na mo na sandaga akoli-bagara so akono awe.
3 Assyrie ayeke sö ande e pëpe.+
E yeke kpe na ambarata pëpe.+
E yeke tene encore ape na ye so maboko ti e asara, e tene: “Nzapa ti e”,
ndali ti so a yeke grâce na mo la a sara nzoni bê na molenge so babâ ti lo ayeke dä pëpe.’+
4 Mbi yeke sava ala, na ala yeke kiri ti duti be-ta-zo na mbi.+
Mbi yeke ye ala ande na bê ti mbi kue,+
ngbanga ti so mbi zia lege ti ngonzo so mbi sara na terê ti ala.+
5 Mbi yeke ga tongana ngu ti pere ndali ti Israël.
Lo yeke sara fleur tongana fleur so a iri ni lis,
na mbi yeke sara si agunda ti lo alï sese tongana ti akeke ti Liban.
6 Yâ ti amaboko ti lo ayeke zi na amû ndo,
pendere ti lo ayeke duti ande tongana ti keke ti olive
nga fion ti lo ayeke fun pendere tongana ti Liban.
7 Azo ayeke kiri ti duti na gbe ti dê ti lo.
Ala yeke lu alê ti kobe na ayeke sigi, na ala yeke maï tongana afleur na terê ti keke ti vigne.+
Iri ti lo* ayeke mû ndo tongana ti vin ti Liban.
8 Éphraïm ayeke tene: ‘Nyen la mbi yeke kiri ti sara na ayanda nyen?’+
Mbi yeke kiri ande tënë na lo, na mbi yeke bâ ndo na ndö ti lo.+
Mbi yeke duti ande tongana mbeni keke ti genévrier so akono pendere.
Mbi la mbi yeke sara si mo lë lengo.”
9 Zo wa la ayeke na ndara? Zia lo mä yâ ti atënë so.
Zo wa la asara ye na hange? Zia lo hinga atënë so.
Alege ti Jéhovah ayeke mbilimbili,+
na azo ti mbilimbili ayeke tambela dä;
me azo ti kengo ndia ayeke pika gere ti ala dä.
A yeke nduru iri ti Hoshaïah, so ndani aye ti tene “Zo so Jah asö lo; Jah asö zo awe.”
Wala “wali so asara lango-sioni; lo gi akoli nde nde.”
Wala “lango-sioni; so mama ti ala agi akoli nde nde.”
Wala “sarango lango-sioni; gingo awali wala akoli nde nde.”
Ndani aye ti tene “Nzapa ayeke lu ngongoa.”
Wala “Kpangbala ndo.”
Ndani aye ti tene “A sara nzoni bê na lo pëpe.”
Ndani aye ti tene “Azo ti mbi la pëpe.”
Na Hébreu: “amolenge-koli.”
Bâ kete tënë ti Os 1:9.
Bâ kete tënë ti Os 1:6.
Wala “lango-sioni; gingo akoli nde nde.”
Wala “lango-sioni; mama ti ala agi akoli nde nde.”
Wala “lango-sioni (lo gi akoli nde nde).”
Wala “Kpangbala ndo.”
Wala “Baal ti mbi.”
Wala “zia si ala duti.”
Ndani aye ti tene “Nzapa ayeke lu ngongoa.”
Bâ kete tënë ti Os 1:6.
Bâ kete tënë ti Os 1:9.
So ti tene ati so a sara kua na ni ti voro anzapa ti wataka.
Homer oko ayeke litre 220. Bâ na B14.
Wala “lango-sioni (Mo gi akoli nde nde).”
Wala “mbi yeke bungbi na mo pëpe.”
Na Hébreu: “alango mingi.”
Wala “anzapa ti yâ ti sewa; ayanda.”
Wala “mbi yeke futi lo.”
Wala “mbi yeke futi ala.”
Wala “fango ye.”
A lingbi nga ti tene “Ala sara si gloire ti mbi aga ye ti kamene.”
Wala “âme ti ala angbâ ti sara nzara.” Bâ tënë “âme” na kete bakari.
Wala “ala yeke sara lango-sioni mingi; ala yeke sara ndumba.”
Wala “Sarango lango-sioni; Gingo akoli wala awali nde nde.”
Wala “zo ayeke na bê pëpe.”
Wala “keke ti sarango mbadi.”
Wala “lango-sioni; gingo akoli wala awali nde nde.”
Wala “lango-sioni; gingo akoli wala awali nde nde.”
Wala “lango-sioni; gingo akoli nde nde.”
Wala “lango-sioni; gingo akoli nde nde.”
Wala “lango-sioni; mo gi akoli nde nde.”
Wala “ndo so akono?”
Wala “bière ti blé.”
Wala “ala sara lango-sioni mingi; ala sara ndumba.”
Na Hébreu: “Avala ti lo.”
Wala “asara kpengba-li.”
Wala “ala bi terê ti ala mingi na yâ ti tukungo mênë.”
Wala “mbi yeke punir.”
Wala “mo sara lango-sioni; mo sara ndumba.”
Wala “lango-sioni; gingo akoli wala awali nde nde.”
Na Hébreu: “na lê ti lo.”
Wala “ayaka.”
Wala “koli-bamara so akono awe.”
Na Hébreu: “gi lê ti mbi.”
Wala “nzoni bê.”
A lingbi nga ti tene “Bê ti ala ayeke tongana four na ngoi so ala yeke ga, ndali ti sioni so ala leke ti sara.”
Na Hébreu: “ajuge ti ala.”
Na Hébreu: “so bê ti lo ayeke dä pëpe.”
So ti tene ala wara pëpe mbeni vorongo so ayeke nzoni mingi.
Wala “maboko ti ala ayeke vuru?”
Wala “amaï nzoni pëpe.”
Wala “azo so ala hinga ala pëpe.”
Wala “fango ye.”
A lingbi nga ti tene “Ala yeke kiri.”
Wala “lango-sioni; gingo akoli nde nde.”
Wala “ndali ti âme ti ala wani.”
Wala “ti matanga so a fa na ala ti sara.”
Wala “na nzapa so ayeke ye ti kamene.”
Wala “ahule.”
A lingbi nga ti tene “vigne so amaboko ni adü gbani.”
Wala “dongo dongo; lisse lisse.”
Na Hébreu: “kanga yanga ti.”
Na Hébreu: “ahon ndö ti ala pëpe.”
So ti tene na ngoi so ala yeke yô punition ti ala tongana joug.
Wala “akanga joug na ndö ti.”
Na Hébreu: “a yeke kanga yanga ti.”
So ti tene aprophète nga na ambeni zo so a tokua ala ti fa ye na azo ti Israël.
Wala “akamba so a sara ye na ni na nzoni bê,” tongana ti so mbeni babâ wala mama ayeke sara na kua.
So ti tene na mbage ti vorongo so ayeke na nduzu mingi.
Wala “tambela.”
Wala “so a lingbi azo adabe ti ala na ni.”
Wala “zo ti dengo buze.”
A lingbi nga ti tene “ngoi ti matanga.”
Wala “Sarango ye ti ndima.”
Na Hébreu: “benyama.”
Wala “Syrie.”
Wala “astatue so a tö wen aga ngu si a leke na ni.”
Na Hébreu: “ye so akanga ndö ti bê ti ala.”
Na Hébreu: “Ajuge.”
Wala “Shéol,” so ti tene dû ti kuâ so azo kue ayeke gue dä. Bâ na kete bakari.
Na Hébreu: “Ye so adabe ti azo na lo.”