Kuâ ti Jésus ayeke ga na mo aye ti nzoni wa?

Jésus akui ti zi lege na e ti wara fini. Jean 3:16

Lango ota na peko ti so Jésus akui, ambeni wali ague na yanga ti dû ti kuâ ti lo, me yâ ni ayeke senge. Jéhovah azingo Jésus na kuâ awe.

Kete na pekoni, Jésus afa terê ti lo na abazengele ti lo.

Biani, Jéhovah azingo Jésus na fini na lo ga mbeni ange so ayeke na ngangu mingi na lo lingbi ti kui mbeni pëpe. Adisciple ti Jésus abâ lo lani na guengo na yayu.

Nzapa azingo Jésus na kuâ na lo zia lo Gbia ti Royaume ti Nzapa. Daniel 7:13, 14

Jésus amû fini ti lo ti ga ye so a futa ti zi azo (Matthieu 20:28). A yeke ndali ni si Nzapa ayeke zi lege na e ti wara fini ti lakue lakue.

Jéhovah azia Jésus Gbia ti komande azo na ndö ti sese. Lo yeke komande legeoko na azo 144 000 so ayeke be-ta-zo na so a zingo ala na kuâ ti wara fini na yayu. Jésus na azo 144 000 aga mbeni gouvernement so ayeke mbilimbili na ayeke na yayu. A iri ni Royaume ti Nzapa.​—Apocalypse 14:1-3.

Fade Royaume ti Nzapa asara si sese aga paradis. Fade bira, kpengo ndia pëpe, yere nga nzara ayeke duti dä mbeni pëpe. Azo ayeke duti ande biani na ngia.​—Psaume 145:16.