KIRINGO TËNË NA AHUNDA TI AZO

A iri Jésus Molenge ti Nzapa ndali ti nyen?

Nzapa ayeke na tâ wali pëpe so adü na lo amolenge. Lo la lo sara aye kue so ayeke na fini. Lo sara azo na mbeni lege so ala lingbi ti sara ye tongana ti lo Nzapa. Ndani la Adam so ayeke lani kozo zo so Nzapa asara lo, a iri lo “molenge ti Nzapa.” Legeoko nga, a iri Jésus molenge ti Nzapa ndali ti so a sara lo na asarango ye so akpa ti Babâ ti lo.​—Diko Luc 3:38; Jean 1:14, 49.

A sara Jésus lawa?

Nzapa asara Jésus kozoni si lo sara Adam. Nzapa asara Jésus na pekoni lo sara kua na Jésus ti leke tanga ti aye kue, même a-ange. Ndani la Bible airi Jésus “kozo ye na popo ti aye kue so Nzapa asara.”​—Diko aColossien 1:15, 16.

Kozo si a dü Jésus na Bethléhem, lo yeke lani mbeni ange na yayu. Tongana ngoi ni alingbi awe, Nzapa amû fini ti Jésus na yayu kâ lo zia na yâ ti Marie tongaso si Marie alingbi ti dü lo tongana zo.​—Diko Luc 1:30-32; Jean 6:38; 8:23.

Ngbanga ti nyen Nzapa asara si a dü Jésus zo ti mitele na sese ge? Kua wa la Jésus aga ti sara lani? Mo lingbi ti wara kiringo tënë na ahundango ndo so na yâ ti Bible, na a yeke pusu mo ti hinga aye so Nzapa na Jésus asara ndali ti mo nga ti bâ ni na nene ni.