Akiringo Tene na Ahundango Tene ti I

◼ Mo yeke ndulu awe ti luti na gbele kpale ti kaïngo kobela fade fade?

Na sese ti laso, fani mingi “ngoi na ye so zo aku pepe” asi legeoko, na asala si a hunda ti kaï kobela fade fade, mbeni ye so na yâ ni a yeke sala ngangu na ndo zo ti kobela ni ti tene lo yeda si a mu na lo mene. (Zo-ti. 9:11, NW) Ti leke e na mara ti ye tongaso, Jéhovah amu maboko na e na yâ aye nde nde na lege ti bungbi ti lo, me lo ye nga si e sala mbage ti e. Dango bê so ayeke ge ayeke mu ande maboko na e ti sala tongaso.

• I bata lakue na tele ti i carte ti i “Instructions médicales/Pas de sang” so tene ti yâ ni angbâ na ngangu.

• I bata si amolenge ti i amu na tele ti ala mbeti ti ala “Document d’identité médical” so tene ti yâ ni angbâ na ngangu.

• I kiri i ba supplément ti Ministère du Royaume ti mars 1993 na i diko ni nzoni ti ba tongana nyen ti sala lisoro na mbeni wanganga wala mbeni wafango ngbanga na ndo anzoni yorö so a lingbi ti mu na molenge ti i.

• I kiri i ba a-article so andu akete mbage ti mene wala alege ti kaïngo kobela na lege ti ayorö nde na mene. (A-article so ahunda ti diko: La Tour de Garde, 1 octobre 1994, l. 31; 1 juin 1990, al. 30-1; 1 mars 1989, al. 30-1; Réveillez-vous! 8 décembre 1994, al. 23-27; 8 août 1993, al. 22-5; 22 novembre 1991, l. 10, na a-supplément ti Le ministère du Royaume ti mars 1993 na novembre 1990. Zia ni na mbeni ndo so mo lingbi ti wara ni hio.)

• I mu desizion na lege ti yingo-ti-hinga ti i wala i lingbi ti yeda si a sala kusala na akode ti hon na mene na yâ ti mbeni masini si akiri na yâ tele ti i nga tongana i lingbi ti yeda na ayorö so akete mbage ti mene ayeke na yâ ni. (Tongana i sû tene na yâ mbeti “Instructions médicales et procuration relative aux soins médicaux”​—ye so ayeke nzoni ti sala​—i yeke ba ande so a leke si i fa na yâ ni mbilimbili aye so i soro i mveni na lege ti ye so i yeda na ni na hingango nda ni nzoni.)

• Tongana lege ayeke dä, kozoni kue si a gbanzi i na da-nganga, sala tene ni na a-ancien ti tene ala mu na i maboko na ala ba Comité de liaison hospitalier (CLH) tongana a hunda tongaso. Tongana a yeke tene ti gbanzingo mbeni molenge na da-nganga, hunda na a-ancien ti sala tene ni hio na CLH.

I fa polele so i ke ti mu mene: Atondo afa so ambeni ita-koli na ita-wali ayeke ku ndangba ngoi si ala fa na awanganga so ala ye pepe ti wara mene. So ayeke salango ye na lege ni pepe na mbage ti bungbi ti awanganga ni, na a yeke zia i na gbele kpale ti tene a zia mene biani na tele ti i. Tongana awanganga ahinga so ye so e mä na bê dä nga aye so e ye aluti na ndo ambeni mbeti so asû maboko na gbe ni awe, so na yâ ni i fa mbilimbili awango-tene ti i, a yeke mu lege na ala ti leke tele ti ala hio, nga mingi ni, ti bi bê na ndo ambeni kode nde ti kaïngo kobela ti zo so ahunda pepe ti zia mene na tele ti lo.

Teti so mbeni kpale ti kaïngo kobela fade fade alingbi ti si na ngoi kue, nga mingi ni na mbeni ngoi so zo aku ni oko pepe, i leke aye ti bata amolenge ti i nga ti bata i mveni na gbele mbeni ziango mene na tele ti zo.​—aProv. 16:20; 22:3.