Mo Yeke Pepe na Ambeni Annuaire na yâ Bibliothèque ti Mo?

A-Annuaire des Témoins de Jéhovah oko oko kue ayeke mbeni pendere mosoro so dikongo ni amu ngia. Akpengba tondo na ndo kusala ti fango tene ti Royaume so alondo na ndo sese kue amu ngangu na beku ti e na yâ fango lege, batango ndo nga na deba nzoni ti Jéhovah. E yeke na ambeni wungo ti Annuaire na Français teti angu 1992 ti si na 1999 nga na Anglais teti angu 1986, 1987, na 1990 ti si na 2000. Ala yeke na apendere mbaï na ndo kusala ti Royaume so a sala na Bénin, Bolivie, Brésil, Chypre, Colombie, Danemark, Finlande, Grande-Bretagne, Grèce, Guadeloupe, Haïti, Hawaii, Honduras, Hongrie, Îles Salomon, Japon, Kenya, Madagascar, Malaisie, Malawi, Martinique, Mexique, Mozambique, Nigéria, Paraguay, Pays-Bas, Pologne, Porto Rico, Suède, Suisse, Suriname, Tchèque (République), Thailande, Trinité, Uruguay, Venezuela na Zamani. Ngbanga ti nyen pepe ti ba wala mbeni oko ti a-Annuaire so atia na yâ ti bibliothèque ti mo? Legeoko nga, fade surveillant ti Ekole ti Kusala ti Théocratie ayeke ba na yâ bibliothèque ti Da ti Royaume tongana a-Annuaire ni ayeke dä. Awafango tene wala akongregation kue, so aye ti wara a-Annuaire so, alingbi fadeso ti hunda ni na ita so aba lege ti ambeti ti kongregation.